មកស្គាល់តារាប្រុសល្បីឈ្មោះប្រចាំប្រទេសថៃ ៥រូប ដែលពូកែធ្វើបុណ្យទានជាងគេ

2017-08-09 02:44:35
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនត្រឹមតែមានមហាជន អ្នកគាំទ្រជាច្រើនទទួលស្គាល់ពីសមត្ថភាព ទេពកោសល្យ ព្រមជាមួយរូបរាងសង្ហា មុខមាត់ស្អាតបាតនោះទេ តារាសម្ដែងប្រចាំថៃ មួយចំនួន ក៏ត្រូវបានមនុស្សផងទាំងឡាយ កោតសរសើរពីទឹកចិត្តសប្បុរសរបស់ពួកគេដែរ។

ថ្ងៃនេះ ប្រិយមិត្តនឹងជ្រាបច្បាស់ថា តើតារាប្រុសរូបណាខ្លះ មានចិត្តបុណ្យ និងតែងមានវត្តមានក្នុងសកម្មភាពមនុស្សធម៌ខ្លះ?

១. តារាសម្ដែង Weir Sukollawat

តាមព័ត៌មានដែលបានចុះផ្សាយ បានឲ្យដឹងថា Weir បានផ្ដល់អាហារូបករណ៍ចំនួន ១០០ ០០០បាត (ប្រហែលជាង ៣ពាន់ដុល្លារ)ក្នុងមួយឆ្នាំ ទៅឲ្យសិស្សនៅសាកលវិទ្យាល័យ Khon Kaen រយៈពេល៤ឆ្នាំ។

២. តារាសម្ដែង Mark Prin

Mark តែងតែឧបត្ថម្ភសៀវភៅ និងអាហារទៅកាន់ក្មេងៗដែលមានជីវភាពខ្សត់ខ្សោយ នៅតាមខេត្ត។ ជាក់ស្ដែង កាលពីពេលថ្មីៗនេះ លោកបានទៅមណ្ឌលកុមារកំព្រាមួយកន្លែងឈ្មោះថា "Baan Dek Dee” ស្ថិតក្នុងខេត្តឈៀងម៉ៃ ដើម្បីយកអំណោយមានដូចជា អាហារ និងស្បែកជើង ឲ្យទៅក្មេងៗក្រីក្រនៅទីនោះ។

៣. តារាសម្ដែង Noom Sornram

ចំណែកតារាប្រុសមុខក្មេងមិនចេះចាស់រូបនេះវិញ តែងជូនអំណោយជាស្បៀងអាហារ ដល់អ្នកប្រមូលសំរាម។ ថ្មីៗនេះ លោកបានដាក់ដេញថ្លៃអាវលេងបាល់ទាត់របស់ខ្លួន ហើយទទួលបានថវិកាចំនួន ៥៥ ០០០បាត (ប្រហែល ១៦០០ដុល្លារ) ព្រមទាំងបរិច្ចាគប្រាក់ទាំងនោះ ទៅឲ្យខាងកម្មវិធីសប្បុរសធម៌ផងដែរ។

៤. តារាសម្ដែង Nadech Kugimiya

ចំពោះតារាសម្ដែង ដែលគ្រប់គ្នាសរសើរថាជាកូនកតញ្ញូរូបនេះវិញ ជារឿយៗ តែងឃើញលោកធ្វើបុណ្យ និងប្រគេនទេយ្យទានផ្សេងៗ ដល់ព្រះសង្ឃ និងផ្ដល់ជាអាហារូបករណ៍ ឲ្យសិស្ស ៣ ទៅ ៤នាក់ហើយ នៅខេត្ត E-Sarn។ ដោយឡែកកន្លងទៅថ្មីៗនេះ តារាប្រុសរូបនេះក៏បានឧបត្ថម្ភ ទឹកសុទ្ធជូនដល់ជនរងគ្រោះ ដែលជួបប្រទះគ្រោះទឹកជំនន់ផងដែរ។

៥. Dj Push

Dj Push ក៏ជាប្រុសសង្ហាចិត្តបុណ្យ ដែលតែងលេចមុខក្នុងសកម្មភាពមនុស្សធម៌ដែរ។ លោកតែងជួយផ្សព្វផ្សាយកម្មវិធីសប្បុរសធម៌នានា និងផ្ដល់សម្ភារៈមួយចំនួនទៅកាន់សិស្សក្រីក្រខ្វះខាតនៅ Pa Mak Community Education Center៕

ចុចអាន៖

ប្រភព៖ Sudsapda ប្រែសម្រួល៖ យី សុធារី