ប្រមាញ់បានរូបភាពតួស្រីរឿង”Twilight” ថើបមិត្តស្រីកណ្ដាលផ្លូវ ឃើញហើយព្រឺសម្បុរ

2017-09-01 08:48:12
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Kriten Stewart និងមិត្តស្រីដែលជាតារាម៉ូដែល Stella Maxwell ពិតផ្អែមល្ហែមនឹងគ្នាខ្លាំងណាស់កាលពីយប់ថ្ងៃពុធ។

គូស្នេហ៍មួយគូនេះត្រូវបានគេប្រទះឃើញឱបថើបគ្នាអត់ឈប់នៅខាងក្រៅបារមួយនៅទីក្រុង New York សហរដ្ឋអាមេរិក បន្ទាប់ពីចូលរួមកម្មវិធីនៅ សារៈមន្ទី MoMA (Museum of Modern Art )។

អ្នកទាំងពីរមិនខ្វល់នឹងមិត្តភ័ក្ដិដែលចូលរួមកម្មវិធីជាមួយ ឬហ្វូងមនុស្សដែលនៅក្បែរពួកគេនោះឡើយ គឺនៅតែឱបថើបគ្នាយ៉ាងសប្បាយរីករាយ។

Kristen វ័យ ២៧ឆ្នាំបានចូលរួមកម្មវិធីនេះ ដើម្បីសម្ពោធរឿងខ្នាតខ្លីរបស់នាងដែលមានចំណងជើងថា "Come Swim” ដឹកនាំរឿងដោយនាងផ្ទាល់។ រឿងនេះមានតារាសម្ដែងតែមួយរូបប៉ុណ្ណោះ គឺលោក Josh Kaye ដែលមានតារាម្នាក់ គឺអ្នកនាង Sydney Lopez ជាអ្នកបញ្ចូលសំឡេង។

ភាពយន្ដនេះដែរក៏បានដាក់បញ្ចាំងនៅកម្មវិធីមហោស្រពភាពយន្ដ Cannes Film Festival ឆ្នាំ ២០១៧ និងក៏ជាផ្នែកមួយនៃកម្មវិធី Sundance Film Festival ឆ្នាំ ២០១៧។

គូស្នេហ៍តារាមួយគូនេះចាប់ផ្ដើមទាក់ទងគ្នាកាលពីឆ្នាំ១មុន។ មុននឹងទាក់ទងគ្នា តារាម៉ូដែល Stella Maxwell ធ្លាប់ទាក់ទងជាមួយតារាចម្រៀង Miley Cyrus ខណៈតារាសម្ដែង Kriten Stewart ទាក់ទងជាមួយនឹងតារាចម្រៀង St. Vincent៕