មកដឹងពីអត្ថន័យ សាក់ជិតក្រលៀនថ្មីរបស់ Messi
- 2017-09-11 12:44:10
- ចំនួនមតិ 0 | ចំនួនចែករំលែក 0
មកដឹងពីអត្ថន័យ សាក់ជិតក្រលៀនថ្មីរបស់ Messi
ចន្លោះមិនឃើញ
ខ្សែប្រយុទ្ធសញ្ជាតិអាហ្សង់ទីន Lionel Messi កីឡាករឆ្នើមរបស់ក្លឹបអ្នកមានបុណ្យ Barcelonaកាលពីពេលថ្មីៗនេះបានបង្ហាញពីសាក់ថ្មីរបស់ខ្លួនយ៉ាងច្បាស់ ដែលសាក់នេះមានរូបជាបបូរមាត់ប្រពន្ធរបស់ខ្លួន។
សាក់រូបបបូរមាត់ពណ៌ក្រហម នៅជិតក្រលៀនរបស់ Messi នេះ តំណាងដល់បបូរមាត់របស់ប្រពន្ធរបស់ខ្សែប្រយុទ្ធវ័យ ៣០ឆ្នាំនេះ គឺអ្នកស្រី Antonella Rocuzzo ដែលអ្នកទាំងពីរទើបនឹងតែរៀបការនឹងគ្នាជាផ្លូវការនាថ្ងៃទី ៣០ខែមិថុនាឆ្នាំនេះ។ បើតាមសារព័ត៌មានអង់គ្លេស The Mirror សាក់នេះចង់បង្ហាញថា ទោះជា Messi ទៅទីណាក៏ដោយ ក៏ខ្លួននៅតែយកស្នាមថើបរបស់ប្រពន្ធខ្លួនតាមជានិច្ច។
តាមពិតទៅ ស្នាមសាក់នេះត្រូវបានគេប្រទះឃើញបន្តិចក្នុងរូបថតមួយសន្លឹករបស់ Messi ជាមួយប្រពន្ធខ្លួន កាលពីពេលរដូវក្ដៅនាឆ្នាំនេះ ដែលធ្វើឲ្យគេជឿថា សាក់នេះអាចនឹងត្រូវបានចាក់ក្នុងអំឡុងពេលនោះដែរ។ ប៉ុន្តែសាក់នេះត្រូវបានឃើញច្បាស់មែនទែននៅក្នុងរូបថតមួយសន្លឹកទៀតដែលថតជាប់កាលពីពេលថ្មីៗនេះ នៅពេលបញ្ចប់ការប្រកួតដែលក្លឹបអ្នកមានបុណ្យ Barcelona ឈ្នះ Espanyol ក្នុងលទ្ធផល ៥ទល់នឹង ០៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
