កប់ Emma Roberts និង Selena Gomez បង្អួតម៉ូតសំលៀកបំពាក់គ្នានៅកម្មវិធី Coach NYFW

2017-09-13 04:39:34
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Emma Robert បានបង្ហាញខ្លួនជាមួយរ៉ូបពណ៌លឿងយ៉ាងស្រស់ស្អាត ពេលចូលរួមកម្មវិធី Coach spring/summer New York Fashion Week ឆ្នាំ ២០១៨ ដែលជាកម្មវិធីបង្ហាញម៉ូដសំលៀកបំពាក់សម្រាប់រដូវផ្ការីក និងរដូវក្ដៅកាលពីថ្ងៃអង្គារម្សិលមិញនេះ។

តារាវ័យ ២៦ ឆ្នាំនេះពិតជាមានសម្រស់យ៉ាងស្អាតជាមួយនឹងសំលៀកបំពាក់ម៉ូដ Chiffon Maxi ស្លៀកជាមួយ ខោអាវក្នុងពណ៌ខ្មៅ ហើយបានចូលរួមជាមួយតារាល្បីៗជាច្រើនទៀត។

ក្នុងនោះដែរក៏មានវត្តមានតារាល្បី Selena Gomez វ័យ ២៥ ឆ្នាំនិងតារាចម្រៀង Charli XCX វ័យ ២៥ ឆ្នាំដូចគ្នាអង្គុយជួរខាងមុខ នៅកន្លែងបង្ហាញម៉ូដ។

Emma ដែលត្រូវជាក្មួយបង្កើតរបស់តារាសម្ដែងល្បីឈ្មោះ Julia Roberts បានកាត់សក់ខ្លី ពណ៌ទង់ដែងរបស់ខ្លួន ហើយពាក់ស្បែកជើងកែងពណ៌ខ្មៅដើម្បីឲ្យសាកសមនឹងរ៉ូបពណ៌លឿងខ្លួន។

Selena Gomez

ចំណែកឯ Selena Gomez វិញនាងបានពាក់អាវយឺតខ្លីពណ៌ខ្មៅខាងក្នុងបង្ហាញរន្ធផ្ចិត ហើយពាក់អាវស្បែកពណ៌ឈាមជ្រូកពីខាងលើ ជាមួយនឹងខោខោវប៊យពណ៌ខៀវ។ ក្នុងឈុតនោះដែរ Selena ក៏បានពាក់ស្បែកជើងប៊ូពណ៌ខ្មៅ ស្ពាយកាបូបពីចំហៀងពិតជាស្រស់ស្អាតគួរឲ្យគយគន់។

ក្នុងឱកាសនោះដែរអ្នកទាំងពីរក៏បានចូលរួមជាមួយតារាសម្ដែង James Franco និង Editor សម្រាប់ទស្សនាវដ្ដី Vogue ផងដែរ៕