Jennifer Lawrence សរសើរសង្សារអាយុច្រើនជាងខ្លួន២១ឆ្នាំ មិនដាច់ពីមាត់

2017-09-13 03:03:28
ចំនួនមតិ 0 | ចំនួនចែករំលែក 0

ចន្លោះមិនឃើញ

Jennifer Lawrence វ័យ ២៧ ឆ្នាំបានសរសើរសង្សារខ្លួនលោក Darren Aronofsky វ័យ ៤៨ ឆ្នាំមិនដាច់ពីមាត់ ខណៈពេលអ្នកទាំងពីរចូលរួមផ្សព្វផ្សាយរឿងនេះនៅក្នុងមហោស្រពភាពយន្ដ Toronto International Film Festival កាលពីចុងសប្ដាហ៍។

នាងបានប្រាប់សារព័ត៌មាន Entertainment Tonight ថា៖ "គាត់ពិតជាពូកែខ្លាំង, សភាវគតិគាត់ពិតជាមិនធម្មតា។"

តារាសម្ដែងនេះបានបញ្ជាក់ថា រឿងនេះគឺពិតជាពិបាកថតបំផុតសម្រាប់នាង បើប្រៀបធៀបទៅនឹងរឿងមុនៗ។ នាងត្រូវសម្ដែងតាមតម្រូវការរបស់សាច់រឿង ដែលវាពិតជាសាហាវខ្លាំង បើសិនជាអ្នកបានមើលរឿងនេះ អ្នកប្រាកដជាយល់ ព្រោះនាងសម្ដែងជាតួអង្គម្នាក់ ទៅកន្លែងមួយដែលមនុស្សធម្មតាមិនគួរទៅទាល់តែសោះ។

តារាសម្ដែង Jennifer Lawrence

មិនត្រឹមតែប៉ុណ្ណោះ នាងនៅតែសរសើរអ្នកដឹកនាំរឿងដែលជាសង្សារនាងនេះមិនឈប់ថា លោកពិតជាពូកែខ្លាំងនូវរាល់កិច្ចការដែលលោកធ្វើ មិនថាជាគំនិតរបស់លោក ឫការងារដែលប្រកបដោយលក្ខណៈសិល្បៈនោះទេ។

ចំណែកលោក Darren វិញក៏សរសើរសង្សារខ្លួនដែរថា Jennifer Lawrence ពូកែខ្លាំងហើយហៅនាងថា "អ្នកមានទេពកោសល្យប្រចាំជំនាន់ម្នាក់"។ ហើយពេលសាកសួរពីបញ្ហាធ្វើការជាមួយគ្នាវិញ អ្នកដឹកនាំរូបនេះឆ្លើយតបថា មិនមានប៉ះពាល់ដល់ទំនាក់ទំនងរបស់អ្នកទាំងពីរនោះទេ។

លោក Darren Aronofsky

ក្នុងរឿង "Mother” Jennifer Lawrence សម្ដែងជាតួអង្គប្រពន្ធរបស់អ្នកសរសេរកំណាព្យម្នាក់ ដែលសម្ដែងដោយលោក Javier Bardem។ ពួកគេបានរស់នៅផ្ទះមួយយ៉ាងមានសេចក្ដីសុខជាមួយគ្នា ប៉ុន្ដែអ្វីៗត្រូវប្រែប្រួលនៅពេលដែលជនមិនធ្លាប់ស្គាល់ពីររូបបានបង្ហាញខ្លួននៅផ្ទះនោះ ដែលសម្ដែងដោយលោក Ed Harris និង Michelle Pfeiffer។