Tesla Model 3 មានបញ្ហា ធ្វើឲ្យរបាយការណ៍លក់រថយន្តប្រចាំត្រីមាសទី ៣ ធ្លាក់ចុះ

2017-10-03 12:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Tesla Inc. បានបញ្ចេញរបាយការណ៍លក់រថយន្តប្រចាំត្រីមាសទី ៣ នេះ ក្នុងនោះ តួលេខរថយន្តម៉ូឌែលថ្មីប្រភេទ sedan គឺ Model 3 លក់បានចំនួនតិចតួចបំផុត។

Model 3

ក្រុមហ៊ុន Tesla បានលក់ចេញនូវប្រភេទរថយន្តទំនើបរបស់ខ្លួនទៅឱ្យអតិថិជនបានចំនួន ២៦ ១៦០ គ្រឿងក្នុងខែកក្កដា និងកញ្ញាឆ្នាំ ២០១៧ នេះដែលតួលខកើនឡើងប្រមាណ ៤,៥% បើប្រៀបធៀបទៅនឹងរយៈពេលដូចគ្នាឆ្នាំមុន។

រថយន្តទាំង ២៦ ១៦០ គ្រឿងដែលក្នុងនោះភាគច្រើនជាម៉ូឌែល Model S ប្រភេទ sedan និង Model X ប្រភេទ SUV ខណៈ Model 3 មានចំនួនត្រឹមតែ ២២០ គ្រឿងតែប៉ុណ្ណោះ។ មូលហេតុនៃការលក់យឺតយ៉ាវរបស់ Model 3 ដែលមានតម្លៃថោកជាងពាក់កណ្តាលនៃម៉ូឌែលមុនៗរបស់ក្រុមហ៊ុនចាប់ផ្តើមក្នុងខែកក្កដា។

នាយកប្រតិបត្តិរបស់ Tesla លោក Elon Musk និយាយថា ក្នុងអំឡុងពេលនោះយើងសង្ឈឹមថានឹងផលិត Model 3 ឱ្យបាន ១ ៥០០ គ្រឿងតែអ្វីៗត្រូវបង្អាក់ដោយសារតែផលិតកម្មយឺតយ៉ាវបំផុតសម្រាប់ផ្គត់ផ្គង់ដល់ទីផ្សារបញ្ជាកុម្ម៉ង់ទិញ។

យ៉ាងណាក៏ដោយរូបលោកនឹងដោះស្រាយបញ្ហាទាំងនេះ។ បញ្ជាក់ថាពាក់ព័ន្ធនឹងបញ្ហាភាពយឺតយ៉ាវនៃសង្វាក់ផលិតកម្មនេះដែរភាគហ៊ុនរបស់ Tesla បានធ្លាក់ចុះ ១% ស្មើនឹង ៣៣៨, ៩២ ដុល្លារបន្ទាប់ពីម៉ោងជួញដូរ៕