មកស្គាល់ ក្រុមអ្នកលេងតូចតាច ទាំង១០ប្រទេស នៅជុំវិញពិភពលោក

2017-10-20 08:02:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ទើរតែគ្រប់ប្រទេសទាំងអស់ សុទ្ធតែមានក្រុមអ្នកលេង មិនថាតូច ឬធំឡើយ។ មិនតែប៉ុណ្ណោះ ពួកគេសុទ្ធតែមានវប្បធម៌ និងស្ទីលជាក់លាក់ផ្ទាល់ខ្លួនទៀតផង។

ខាងក្រោមនេះគឺជាក្រុមអ្នកលេងតូចតាច ទាំង១០ប្រទេស នៅជុំវិញពិភពលោក៖

#១ ក្រុមអ្នកលេង Racaille (បារាំង)

Racaille គឺជាជនជាតិបារាំងពិតប្រាកដ ដែលមានស្ទីលដ៏ល្អឥតខ្ចោះ។ ពួកគេចូលចិត្តផលិតផលម៉ាក Lacoste ណាស់។ ពួកគេចូលចិត្តដើរលេង នៅស្ថានីយរថភ្លើងឯជាយក្រុង , ស្ដាប់បទចម្រៀងក្នុងទូរសព្ទ , ទាក់ស្រី , ធ្វើបាបមនុស្សទន់ខ្សោយ និង លួចកាបូបគេ។

#២ ក្រុមអ្នកលេង White Trash (សហរដ្ឋអាមេរិក)

មនុស្សដែលមានឋានៈតូចទាប ត្រូវបានគេហៅថា White Trash។ ពួកគេភាគច្រើនគ្មានការងារធ្វើឡើយ ហើយរស់នៅតាមសួនសាធារណៈ។ ពួកគេចូលចិត្តផឹកស្រាបៀ ជាមួយអ្នកដទៃទៀត , បង្កជម្លោះ និង ឆាឆៅគេ។

#៣ ក្រុមអ្នកលេង Chavs (អង់គ្លេស)

Chavs រស់នៅក្នុងស្រុកក្រីក្រ ឯជាយក្រុង។ ពួកគេចូលចិត្តតែងខ្លួនដូចជា ស្លៀកពាក់ខោអាវកីឡា , ក្បាលត្រងោល , មានបារីជាប់មាត់ និងមានកញ្ចក់ប្លាស្ទិកក្នុងដៃ។ សកម្មភាពរបស់ពួកគេ គឺមានលក្ខណៈធម្មតា ដូចជា បញ្ឆោតមនុស្សដើម្បីបោកយកលុយពួកគេ , បង្កការភ្ញាក់ផ្អើលតាមដងផ្លូវ , ផឹកស៊ីនៅទីសាធារណៈ និង និយាយខ្លាំងៗជាដើម។

#៤ ក្រុមអ្នកលេង Yankii (ជប៉ុន)

Yankii គឺជាក្មេងជនជាតិជប៉ុន ដែលមានការងារធ្វើ។ ពួកគេមិនដូចជាក្រុមអ្នកលេង Yakuza ឡើយ ប៉ុន្តែពួកគេល្បីដោយសារតែ ការបង្កសំឡេងខ្លាំងៗ , និយាយគ្រោតគ្រាត និងមិនព្រមចូលរួមក្នុងលក្ខណៈប្រពៃណីវប្បធម៌ជប៉ុន។ ពួកគេចូលចិត្តអង្គុយ និង ស្ដាប់បទចម្រៀងរ៉េបជប៉ុន ខណៈផឹកស្រាជប៉ុនសាកេ (Sake)។ ពួកគេចូលចិត្តម៉ូតូ ហើយតែងលាបពណ៌សក់ពណ៌ទង់ដែង ឬទឹកក្រូច។

#៥ ក្រុមអ្នកលេង Tapori (ឥណ្ឌា)

Tapori គឺជាអ្នកលេងនៅតាមដងផ្លូវ មកពីទីក្រុង Mumbai។ សកម្មភាពចំបងរបស់ពួកគេ គឺ បោកប្រាស់ភ្ញៀវទេសចរ។ ពួកគេចូលចិត្តប្រើចាហួយលាបសក់ច្រើនៗ , ពាក់ខ្សែកមាសធំៗ , ធ្មេញមាស , ញ៉ែស្រី និង ដេកស្រមៃចង់ក្លាយជាតារា Bollywood។

#៦ ក្រុមអ្នកលេង Cani (អេស្ប៉ាញ)

ពួកគេចូលចិត្តស្ដាប់ចម្រៀងឮៗ នៅតាមមធ្យោបាយដឹកជញ្ជូនសាធារណៈ ដូចជា រថភ្លើង ឬរថយន្តក្រុងជាដើម។ ពួកគេពាក់អាវយឺត , អាវក្រៅ (ចំហរូត) និង វ៉ែនតាខ្មៅ។ ប្រើសិនបើអ្នកលេង Cani មានសាច់ដុំវិញ នោះពួកគេនឹងដោះអាវយឺតចេញ។ ពួកគេត្រូវបានគេគប់ដុំថ្មស្ទើរតែរាល់ថ្ងៃ និងចូលចិត្តបង្កជម្លោះ។

#៧ ក្រុមអ្នកលេង Ned (ស្កុតឡែន)

Ned រស់នៅក្នុងតំបន់ក្រីក្រ នៃតំបន់ជាយក្រុងប្រទេសស្កុតឡែន។ ពួកគេជាមនុស្សចូលចិត្តឈ្លានពានអ្នកដទៃ និងផឹកគ្រឿងស្រវឹងច្រើនខ្លាំង ប៉ុន្តែមិនចេះស្រវឹងឡើយ។ ឯកសណ្ឋានរបស់ពួកគេ គឺ ឈុតកីឡា , កាំបិត និង ការបញ្ចេញទឹកមុខ។ សកម្មភាពរបស់ពួកគេ រួមមាន ការប្រមាថមើលងាយ និងបង្កអំពើហិង្សា។

#៨ ក្រុមអ្នកលេង Ars (អ៊ីស្រាអែល)

ពួកគេជារឿយៗចូលចិត្តពាក់មួកកីឡា , បង្កជម្លោះនៅទីសាធារណៈ , ទាក់ស្រី , បើកឡានកែថោកៗ , ស្តាប់ចម្រៀងរ៉េបអ៊ីស្រាអែល , ផឹកស្រា និង ពាក់មាសច្រើន។

#៩ ក្រុមអ្នកលេង Zef (អាហ្វ្រិកខាងត្បូង)

កាលពីមុន អ្នកលេង Zef មានទ្រព្យសម្បត្តិ ប៉ុន្តែគ្មានចំណេះដឹងឡើយ។ ទោះជាយ៉ាងណា ពួកគេនៅតែព្យាយាមសម្ញែងស្ទីល និងទ្រព្យសម្បត្តិ។ ពួកគេចូលចិត្តបើកឡាន ដែលបំពាក់រោមសត្វ ជាដើម។

#១០ ក្រុមអ្នកលេង Gopnik (រុស្ស៊ី)

Gopnik គឺជាក្រុមឧក្រិដ្ឋជនតូចមួយ៕