តោះ! ស្ដាប់ ឈោក ឆៃ និយាយអ្វីខ្លះក្រោយឈ្នះ ផល សោភ័ណ្ឌ

2017-10-24 03:44:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប៉ះគ្នាលើកទី៣រវាងកីឡាករកម្ពុជា ផល សោភ័ណ្ឌ និង ឈោក ឆៃ Chhorchai ពិតជាជក់ចិត្ត ហើយកក្រើកសង្វៀនតែម្ដង។ អ្នកប្រដាល់របស់ប្រទេសថៃរូបនេះ សរសើរ ផល សោភ័ណ្ឌ ថា ពិតជាកីឡាករម្នាក់ដ៏មានគ្រោះថ្នាក់មែន។

កីឡាករ ឈោក ឆៃ (Chhorchai)

កីឡាករ ឈោក ឆៃ (Chhorchai) បានឲ្យដឹងថា កីឡាករ ផល សោភ័ណ្ឌ ជាកីឡាករគួរឲ្យខ្លាចបំផុត ហើយពិតជាជើងខ្លាំងម្នាក់របស់ប្រទេសកម្ពុជា គេមានមានអាវុធល្អគ្រប់ស្នៀតគ្រប់ក្បាច់ទាំងអស់។ ជើងខ្លាំងឆ្លងដែនមកពីប្រទេសថៃរូបនេះបន្ថែមទៀតថា ដោយសារខ្លួនមានជំនឿចិត្តខ្ពស់ រួមផ្សំនឹងការចេះច្បាស់ក្បាច់ចាប់វ៉ៃជង្គង់ផងនោះទើប ធ្វើឲ្យគេអាចយកជ័យជម្នះបាន។

ម្ចាស់ខ្សែក្រវាត់ CNC មកពីថៃខាងលើបន្តថា តាមការគិតមុនពេលប៉ះគ្នាលើកទី៣នេះ ប្រហែលជាពិបាក តែនៅពេលប្រកួតជាក់ស្ដែងមិនពិបាកទេ ព្រោះក្រោយបញ្ចប់ការប្រកួូតទឹកទី ១និងទី ២ ផល សោភ័ណ្ឌ ហាក់អស់កម្លាំងទៅហើយ ព្រមទាំងមើលទៅដូចជាខ្លាចថែមទៀតផង។

កីឡាករ ផល សោភ័ណ្ឌ

គូរំលឹកថា ការប៉ះគ្នាលើកទី៣ នៅសង្វៀនបាយ័នបឹងស្នោនេះគឺជើងខ្លាំងថៃ ឈោក ឆៃ (Chhorchai) យកឈ្នះកីឡាករ ផល សោភ័ណ្ឌ ដោយពិន្ទុ កាលពីល្ងាចថ្ងៃអាទិត្យ ទី២២ ខែតុលា ឆ្នាំ ២០១៧ កន្លងទៅនេះ៕