រឿងភាគថៃល្បីៗកំពុងតម្រង់ជួរបង្ហាញខ្លួនជាពិសេសដល់អ្នកទស្សនា ក្នុងឆ្នាំ ២០១៨

2017-11-28 09:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តថៃកំពុងមានការពេញនិយមទស្សនាខ្លាំងពីសំណាក់អ្នកគាំទ្រទាំងក្នុង និងក្រៅប្រទេស ជាពិសេស ក្នុងឆ្នាំ ២០១៧។

ដោយឡែកក្នុងឆ្នាំ ២០១៨ ក៏នៅមានរឿងភាគថៃជាច្រើន កំពុងតម្រង់ជួរ បង្ហាញខ្លួនសម្រាប់អ្នកគាំទ្រទាំងអស់ជាច្រើនដែរ។ រឿងទាំងនោះសុទ្ធតែជារឿងភាគ មានការសម្រិតសម្រាំងខ្លាំង និងរំពឹងមកវិញនូវការពេញចិត្តរបស់អ្នកមើល៕

រឿងទាំងនោះមាន៖

១. រឿង "Nang Thip”

ភាពយន្តភាគនេះ មានតួអង្គ ៣សំខាន់គឺ តារាសម្ដែង Min Pechaya, Pooklook Fonthip និង Mookda Narinrak។

២. រឿង "Sai Lohit”

នេះជាភាពយន្តភាគបុរាណ ដែលអ្នកគាំទ្រជាច្រើនទន្ទឹងរង់ចាំ និងមានការចូលរួមសម្ដែងពីតារាសម្ដែង Porshe Saran និង Now Tisanart។

៣. រឿង "Lep Krut”

ប្រិយមិត្តនឹងប្លែកអារម្មណ៍ពេលទស្សនាភាពយន្តភាគបែបវាយប្រហារដែលជាការសម្ដែងដោយ តារាសម្ដែង Cee Siwat និង Yui Jiranan។

៤. រឿង "Por Mod Jao Sanae”

ចំណែករឿងនេះវិញ ជារឿងបែបយុទ្ធសិល្ប៍វេទមន្ត និងសង្ឃឹមថាបានទទួលការគាំទ្រពីទស្សនិកជន ដូចស៊េរីរឿងនេះកាលពីជំនាន់ទី ១ដែរ។ ដោយឡែកតួឯកប្រុសស្រី ដែលសម្ដែងក្នុងរឿងនេះមានតារាសម្ដែង Donut Phattharapon និង Pim Pimprapa។

៥. រឿង "Khun Chai Kai Tong”

ងាកចូលរឿងនេះវិញ គឺជាប្រភេទរឿងភាគបែបកំប្លែង ហើយ Donut Phattharapon និង Bow Maylada នឹងចាប់ដៃគ្នាសម្ដែងជាតួឯកប្រុសស្រី។

៦. រឿង "Likit Ruk – The Crown Princess”

សម្រាប់ឆ្នាំ ២០១៧ ដៃគូសម្ដែងដ៏ស័ក្ដសម ២រូបនេះ បានធ្វើឲ្យទស្សនិកជនពេញចិត្តជាខ្លាំង តាមរយៈសាច់រឿងបែបកំប្លែង "និស្ស័យស្នេហ៍ប្រែកាយ”។ ជាក់ស្ដែងក្នុងឆ្នាំ ២០១៨ Nadech និង Yaya ក៏មានចំណងដៃពិសេសមួយទៀតដែរតាមរយៈរឿង "Likit Ruk” របស់អ្នកដឹកនាំ Anne Thongprasom។

៧. រឿង "Kom Faek”

គូស្នេហ៍ Mark Prin និង Kimberley នឹងកាន់ដៃគ្នាសម្ដែងជាថ្មីក្នុងរឿង "Kom Faek”។

៨. រឿង "Krung Gum”

រីឯ James Ji និង Bella វិញ នេះគឺជាលើកទី ៣ហើយដែលពួកគេបានសម្ដែងរួមគ្នា ប៉ុន្តែក្នុងរឿងថ្មីនេះ អ្នកទាំង ២មិនដើរជាតួគូស្នេហ៍ដូចរឿងមុនៗឡើយ។

៩. រឿង "Fah Fak Ruk”

សម្រាប់រឿងនេះ ប្រិយមិត្តនឹងប្លែកអារម្មណ៍ទៀតហើយ ជាមួយឈុតឆាកពិសេសក្នុងរឿង “Fah Fak Ruk” ដែលសម្ដែងដោយតារាសម្ដែង Toey Pongsakorn និង Cheer។

១០. រឿង "My Love From The Star”

រឿងភាគដែលមានការគាំទ្រខ្លាំងជុំវិញទ្វីបអាស៊ី "សង្សារខ្ញុំមនុស្សភពផ្កាយ” របស់កូរ៉េមានភាពល្បីល្បាញមិនធម្មតា។ ពេលនេះស៊េរីរឿងភាគ ១នេះ ត្រូវប្រទេសថៃទិញសិទ្ធិយកមកផលិតសាជាថ្មី ហើយក៏សង្ឃឹមថាមានការគាំទ្រច្រើនដែរ។ រឿងនេះមានការចូលរួមសម្ដែងពីតារាល្បីៗចាច្រើនដូចជា៖ Nadech Kugimiya, Matt Peeranee, Eye Kamolned, Masu Janyangdikul និង God Itthipat៕

ប្រភព៖ thaistarnews ប្រែសម្រួល៖ យី សុធារី