ទ្រីយ៉ាត្លុងកម្ពុជា បើកវគ្គបណ្ដុះបណ្ដាលគ្រូបង្វឹកថ្នាល និងយុវជន ៣៥នាក់ ត្រៀមស៊ីហ្គេម ២០២៣
- 2017-12-08 04:13:41
- ចំនួនមតិ 0 | ចំនួនចែករំលែក 0
ទ្រីយ៉ាត្លុងកម្ពុជា បើកវគ្គបណ្ដុះបណ្ដាលគ្រូបង្វឹកថ្នាល និងយុវជន ៣៥នាក់ ត្រៀមស៊ីហ្គេម ២០២៣
ចន្លោះមិនឃើញ
សហព័ន្ធកីឡាទ្រីយ៉ាត្លុងកម្ពុជា បើកវគ្គបណ្ដុះបណ្ដាលគ្រូបង្វឹកថ្នាល និងអត្តពលិកក្មេងៗចំនួន ៣៥នាក់ ដើម្បីពង្រឹងសមត្ថភាពជាបណ្ដើរៗត្រៀមស៊ីហ្គេមឆ្នាំ២០២៣ ដែលកម្ពុជាធ្វើម្ចាស់ផ្ទះនៅពេលខាងមុខ។
លោក គង់ ឬទ្ធីជព្វ ប្រធានសហព័ន្ធកីឡាទ្រីយ៉ាត្លុងកម្ពុជាបានឲ្យដឹងថា នេះជាលើកទី១ហើយដែលសហព័ន្ធបង្កើតវគ្គបណ្ដុះបណ្ដាលដល់អត្តពលិកក្មេងៗដូចនេះ ហើយលោកក៏សប្បាយចិត្តនិងអរគុណដល់ក្រសួងអប់រំយុវជន និងកីឡាដែលផ្ដល់ជាថវិកាទ្រទ្រង់ដើម្បីឲ្យមានកម្មវិធីបណ្ដុះបណ្ដាលនានា។
ប្រធានសហព័ន្ធខាងលើបន្ថែមទៀតថា ការបង្កើតឲ្យមានវគ្គគឺជាការត្រៀមបណ្ដើរៗក្នុងការបង្កើនសមត្ថភាពគ្រូបង្វឹកថ្នាល និងពង្រឹងសមត្ថភាពកីឡាករ កីឡាការិនីក្មេងៗឆ្ពោះទៅកាន់ស៊ីហ្គេមឆ្នាំ២០២៣ នាពេលខាងមុខនេះ។ វគ្គសិក្សានេះក៏ជាការផ្សព្វផ្សាយបន្ថែមដល់យុវជន ឬមនុស្សទូទៅបន្ថែមទៀតដើម្បីឲ្យពួកគេបានដឹង បានស្គាល់កីឡាប្រភេទនេះនៅបន្ថែមទៀត ព្រោះបច្ចុប្បន្ននេះមិនសូវមានអ្នកស្គាល់នោះទេ។
វគ្គបណ្ដុះបណ្ដាលគ្រូបង្វឹកថ្នាល និងអត្តពលិកក្មេងៗនេះ មានរយៈពេល៤ថ្ងៃគឺចាប់ពីថ្ងៃទី៨-១១ ខែធ្នូ ឆ្នាំ២០១៧ ដែលកីឡាករ កីឡាការិនីចូលរួមចំនួន ៣៥នាក់ មកពី១១សមាគម និងក្លឹប៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
