ដំណឹងក្ដៅៗ! ក្រសួងប្រកាសឲ្យប្រមូលទឹកដោះគោម្សៅ ៣ប្រភេទ ពីទីផ្សារជាបន្ទាន់

2017-12-20 07:07:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងសុខាភិបាល បានចេញសេចក្ដីជូនដំណឹងមុននេះបន្តិច ឲ្យប្រមូលទឹកដោះគោម្សៅសម្រាប់ទារក និងមាតា ដែលមានចំនួនបីប្រភេទដូចជា CELIA AD CELIA MAMA និង PICOT SL ដែលកំពុងចរាចរលក់លើទីផ្សារត្រឡប់មកវិញជាបន្ទាន់។

តាមសេចក្ដីប្រកាសជូនដល់សាធារណៈជនទាំងអស់ បញ្ជាក់ថា ក្រសួងបានទទួលដំណឹងពីបណ្ដាញអាជ្ញាធរសុវត្ថិភាពចំណីអាហារអន្តរជាតិ (INFOSAN) និងសេចក្ដីប្រកាសរបស់រោងចក្រឈ្មោះ ឡាក់តាលីសអាំងទែណាស្យូណាល់ ថាផលិតផលទឹកដោះគោម្សៅដូចមានឈ្មោះខាងលើ មានឆ្លងមេរោគ សាលម៉ូណែលឡា ក្នុងខ្សែសង្វាក់ផលិតកម្មដែលមេរោគនេះបង្កឲ្យមានគ្រោះថ្នាក់ដល់សុខភាពអ្នកប្រើប្រាស់ ជាពិសេសចំពោះ ទារក កុមារតូចៗ ស្រីមានផ្ទៃពោះ និងស្រី្តកំពុងបំបៅដោះកូន។

ផលិតផលទាំងនោះត្រូវបាននាំចូលមកក្នុងប្រទេសកម្ពុជាដោយក្រុមហ៊ុន មេដិក ខូអិលធីឌី(MEDEX CO,LTD) ដែលក្រសួងតម្រូវឲ្យក្រុមហ៊ុនទាំងពីរសហការជាមួយក្រសួង និងអាជ្ញាធរពាក់ព័ន្ធ ដើម្បីធ្វើការប្រមូលត្រឡប់ពីទីផ្សារមកវិញ៕