ព្រឹត្តិការណ៍​​ប្រកួត​កីឡា​ឌូអាត្លុង​អន្តរជាតិ (រត់+ជិះ​កង់+រត់) បាន​បញ្ចប់​នៅ​ថ្ងៃ​អាទិត្យ ទី ២៤ ខែ ឧសភា ឆ្នាំ ២០១៥ ម្សិលមិញ ក្នុង​ទឹក​ដី​កោះពេជ្រ ដោយ​មាន​អ្នក​ចូលរួម​ប្រមាណ​​ជាង ៨០០ ​នាក់ មក​ពី ១៣ ក្លិប​ផ្សេងៗគ្នា។

ក្រុម​កីឡាករ​ជម្រើស​ជាតិ​ទ្រីយ៉ាត្លុង​កម្ពុជា (រត់+ហែលទឹក+ជិះកង់) ដែល​​មាន​គម្រោង​ចេញ​ទៅ​ហ្វឹកហាត់​នៅ​ប្រទេស​ថៃ រយៈពេល​តែ ១ ខែ ដើម្បី​ត្រៀម​ចូល​ដណ្ដើម​មេដាយ​ក្នុង​ព្រឹត្តិការណ៍​កីឡា​ស៊ីហ្គេម ឆ្នាំ ២០១៥ នៅ​ប្រទេស​​សិង្ហបុរី ឥឡូវ​សម្រេច​ចិត្ត​បន្ត​ហ្វឹកហាត់​នៅ​ទីនោះ​ទៀត ឱ្យ​ដល់​ថ្ងៃ​ចេញ​ទៅ​ប្រកួត​តែ​ម្ដង ក្រោយ​​​ដណ្ដើម​បាន​មេដាយ​សំរឹទ្ធ មួយ​គ្រឿង ក្នុង​​ប្រកួត​ព្រឹត្តិការណ៍​អន្តរជាតិ​កម្ដៅ​សាច់ដុំ។

សហព័ន្ធ​​កីឡា​ទ្រីយ៉ាត្លុង​កម្ពុជា​​បាន​ត្រៀម​កីឡាករ​ជម្រើស​ជាតិ​​២​រូប​​​ដើម្បី​ចូល​រួម​ប្រកួត​ក្នុង​ព្រឹត្តិការណ៍​​កីឡា​ស៊ីហ្គេម (Sea Games) ​នៅ​ប្រទេស​សិង្ហបុរី​ចាប់​ពី​​ថ្ងៃ​ទី​៦​ ដល់​ថ្ងៃ​ទី ១៦ ខែ​មិថុនា​ ឆ្នាំ​ ២០១៥ ប៉ុន្តែ​ពុំ​មាន​សង្ឃឹម​ទទួល​បាន​លទ្ធផល​ល្អ​ឡើយ។