៦ ចំណុចងាយៗ អាចជួយអ្នកឈប់មានទម្លាប់ "ចាំស្អែក ចាំធ្វើ"

2018-02-21 23:09:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទម្លាប់ "ចាំស្អែកចាំធ្វើ" ឬ “Procrastination” គឺជាទម្លាប់មួយដែលមិនល្អឡើយសម្រាប់ការប្រកបការងារ ឬការរៀនសូត្ររបស់លោកអ្នក ព្រោះការពន្យារពេលបំពេញកិច្ចការងារម្ដងហើយម្ដងទៀតបណ្ដាលឲ្យប្រសិទ្ធភាពការងាររបស់អ្នកធ្លាក់ចុះ។

តិកនិក ៦ ខាងក្រោមណែនាំដោយអ្នកជំនាញចិត្តវិទ្យាលោក Denis Waitley ដែលអាចជួយលោកអ្នកឲ្យបញ្ចប់ទម្លាប់ "ចាំស្អែក ចាំធ្វើ"៖

១.សរសេរពីកិច្ចការ ឬសកម្មភាពណាមួយដែលលោកអ្នកចង់សម្រេច។

២.មើលទៅលើក្រដាសដែលអ្នកទើបសរសេររួច បន្ទាប់មកចាប់ផ្ដើមធ្វើកិច្ចការទីមួយ នៅក្នុងក្រដាសហ្នឹង។

៣.កំណត់ពីរយៈពេលសម្រាប់ការបំពេញកិច្ចការ ឬសកម្មភាពនីមួយៗ។ សូមកំណត់រយៈពេលឲ្យមានលក្ខណៈប្រាកដនិយម (កំណត់រយៈពេលឲ្យសមស្របទោនឹងទំហំការងារ)។

៤.ការប្រឹងប្រែងឲ្យអស់ពីសមត្ថភាពក្នុងការបំពេញការងារឲ្យបានសម្រេច។

៥.បើសិនការងារនោះជាការងារក្រុម អ្នកគួរតែនិយាយជាមួយដៃគូអ្នកភ្លាម។ ទម្លាប់ "ចាំស្អែកចាំធ្វើ” ច្រើនកើតឡើង ដោយសារម្ខាងៗ សុទ្ធតែគិតថា ដៃគូខ្លួនចង់ពន្យារពេលក្នុងការសម្រេចការងារ។ ដូច្នេះគួរតែនិយាយឲ្យច្បាស់ជាមួយដៃគូអ្នក ហើយចាប់ធ្វើសកម្មភាពបំពេញការងារ។

៦.សួរខ្លួនឯង ថា តើនឹងមានរឿងអាក្រក់ជូរចត់អ្វី កើតឡើង បើនៅតែបន្តពន្យារពេលក្នុងការបំពេញការងារ៕

ប្រភព៖ success អត្ថបទ៖ សេរី មង្គល