HTC បកស្រាយមួយឆ្ងាញ់ លើរូបតម្រុយថ្មី មានគ្រឿងក្នុងដូចនឹង iPhone 6

2018-05-07 02:22:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ ក្រុមហ៊ុន HTC បានបង្ហាញរូប Teaser ថ្មីមួយ ដែលបង្ហាញពីកាលបរិច្ឆេទនៃការប្រកាសស្មាតហ្វូនជំនាន់ថ្មីរបស់ខ្លួន ដែលរូប Teaser នេះមានបញ្ចូលនូវគ្រឿងក្នុងរបស់ទូរសព្ទផងដែរ។

រូប Teaser របស់ HTC

មានមតិជាច្រើនបានលើកឡើងថាគ្រឿងក្នុងដែល HTC បានបង្ហាញគឺមានគ្រឿងខ្លះដូចគ្នាទៅនឹងគ្រឿងក្នុងរបស់ iPhone 6 ដូច្នោះដែរ។ ទាក់ទងនឹងចំណុចនេះ HTC បានចេញមុខឆ្លើយតបថា ៖

"យើងសប្បាយចិត្តដែលគ្រប់គ្នាសិក្សាពី Teaser របស់យើងយ៉ាងល្អិតល្អន់បែបនេះ។ ពិតណាស់ថាគ្រឿងក្នុងដែលបានបង្ហាញនេះ គឺបានមកពីទូរសព្ទម៉ូដែលផ្សេងៗគ្នា វាតំណាងឲ្យផ្នែកជាច្រើនដែលគូប្រជែងរបស់យើងបានញាត់ចូលទូរសព្ទរបស់ពួកគេ ស្របពេលដែលចន្លោះទំនេរនៅចំណុចកណ្ដាល ជាទីតាំងរបស់ទូរសព្ទ HTC ជំនាន់ថ្មី ជាទូរសព្ទដែលអ្វីលើសពីលក្ខណៈសម្បត្តិវាទៅទៀត។

គ្រឿងក្នុង iPhone 6

សុំបញ្ជាក់ឲ្យច្បាស់ថាគ្រឿងបន្លាស់ដែលបង្ហាញក្នុងរូបភាព មិនមានផ្នែកណាមួយជារបស់ទូរសព្ទ ដែលយើងនឹងប្រកាសនៅថ្ងៃទី ២៣ ខែឧសភា នោះទេ។ គ្រប់គ្នាប្រហែលជាត្រូវចូលទៅវិបសាយ htc.com នៅថ្ងៃនោះ ដើម្បីដឹងបន្ថែមទៀត”។

ការបកស្រាយខាងលើនេះ នៅតែធ្វើឲ្យគ្រប់គ្នាមានការងឿងឆ្ងល់ខ្លាំងថា HTC កំពុងប្រើវិធីសាស្ត្រផ្សព្វផ្សាយបែបម៉េច។ ហេតុនេះមានតែរង់ចាំដល់ថ្ងៃទី ២៣ ខែឧសភាតែប៉ុណ្ណោះ៕

ប្រភព៖ redmondpie ប្រែសម្រួល៖ សុខហេង