ពូទីន ប្រតិកម្មដូចម្ដេចខ្លះក្រោយពេលស៊ីរីច្រឡំបាញ់យន្តហោះរុស្ស៊ី?

2018-09-19 02:54:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីរុស្ស៊ីលោក វ្លាឌីមៀរ ពូទីន បានហៅការច្រឡំបាញ់ទម្លាក់យន្តហោះរុស្ស៊ីដោយស៊ីរីកាលពីថ្ងៃអង្គារថាជា "សោកនាដកម្មដ៏អាក្រក់” ដែលបង្កឲ្យមានភាពតានតឹងឡើងវិញជាមួយអ៊ីស្រាអែល។

ក្រសួងការពារជាតិរុស្ស៊ី ចេញមុខអះអាងថាហេតុការណ៍នេះគឺជាកំហុសរបស់ អ៊ីស្រាអែលដែលមិនបានផ្ដល់សញ្ញាព្រមានដល់រុស្ស៊ី ហើយថាពួកគេបានយកយន្តហោះរុស្ស៊ីធ្វើជាខែលដើម្បីវាយប្រហារស៊ីរី។ ប៉ុន្តែលោកពូទីន អះអាងថានេះមិនមែនជាកំហុសទាំងស្រុងរបស់អ៊ីស្រាអែលនោះទេ។ លោកបន្ដថា "ពិតណាស់អ៊ីស្រាអែល មិនបានបាញ់យន្តហោះរបស់យើងទេ ប៉ុន្តែយើងត្រូវស៊ើបអង្កេតឲ្យបានស៊ីជម្រៅជុំវិញអ្វីដែលបានកើតឡើងពិតប្រាកដ។"

គួរឲ្យដឹងថា ទាហានរុស្ស៊ីចំនួន ១៥នាក់ ត្រូវបានសម្លាប់កាលពីថ្ងៃចន្ទទី ១៧កន្លងទៅក្រោយពេលដែលប្រព័ន្ធការពារមីស៊ីលរបស់ស៊ីរីច្រឡំបាញ់ចំយន្តហោះឈ្លបយកការណ៍របស់ពួកគេខណៈពេលកំពុងមានការវាយប្រហារជាមួយអ៊ីស្រាអែល៕