តេស្តល្បឿន iPhone 6 ស៊េរីចាស់បួនឆ្នាំមុន ធៀប iPhone XS លទ្ធផលទៅជាបែបណា?

2018-09-28 13:21:03
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្ន iPhone XS របស់ Apple កំពុងជាប់ឈ្មោះជាស្មាតហ្វូនជំនាន់ក្រោយមានល្បឿនដំណើរការលឿនបំផុតក្នុងលោក។ បំពាក់ដោយបន្ទះឈីប A12 Bionic ដោយមាន CPU ប្រភេទ Hexa-core ទំហំ 64-bit មាន RAM 4GB ថ្ងៃនេះត្រូវមកប៉ះគ្នាជាមួយ iPhone 6 បង្ហាញខ្លួនឆ្នាំ ២០១៤ មានប្រើត្រឹមបន្ទះឈីប A8 SoC និង RAM តូចត្រឹម 1GB។

ឆ្លងកាត់ការតេស្តដោយដៃរបស់លោក Nick Ackerman លោកចាប់បានចំណុចមិនសូវល្អមួយលើ iPhone XS គឺដំណើរការស្កេនផ្ទៃមុខ Face ID ដោយទាមទារឲ្យអូសផ្នែកអេក្រង់ទៅលើទៀតដើម្បីចូល Home Screen ខុសពីជំនាន់ចាស់មានស្កេនខ្ចៅដៃ Touch ID ត្រឹមទម្លាក់ម្រាមដៃ នោះនឹងលោតចូល Home Screen ដោយស្វ័យប្រវត្តិ។

ក្រឡេកទៅមើលការតេស្តដំណើរការកម្មវិធី-ហ្គេមជាច្រើន លទ្ធផលបង្ហាញយ៉ាងច្បាស់ថា iPhone សេរ៊ីឆ្នាំ ២០១៨ ពិតជាធ្វើបានល្អជាង ប៉ុន្តែធៀបនឹង iPhone បួនឆ្នាំមុនហាក់មិនខុសគ្នាច្រើនឡើយ លើដំណើរការកម្មវិធីទូទៅលើប្រព័ន្ធប្រតិបត្តិ iOS 12 ជារួមអាចរាប់ថាធ្វើបានល្អខ្លាំង លើកលែងតែដំណើរការ CPU បន្តិច ដោយការបើកហ្គេមនិងកម្មវិធីកែច្នៃវីដេអូរាងខុសគ្នាឆ្ងាយ។