អាន គុណកូឡា ត្រៀមបំបែកភាពស្ងប់ស្ងាត់ឡើងវិញ!
- 2014-11-19 18:40:57
- ចំនួនមតិ 0 | ចំនួនចែករំលែក 0
អាន គុណកូឡា ត្រៀមបំបែកភាពស្ងប់ស្ងាត់ឡើងវិញ!
ចន្លោះមិនឃើញ
លោក អាន គុណកូឡា ត្រៀមបំបែកភាពស្ងប់ស្ងាត់របស់ខ្លួនឡើងវិញតាមរយៈ ការចេញអាល់ប៊ុមចម្រៀង ៥ បទ នៅសាន់ដេ នាពេលដ៏ខ្លីខាងមុខ។
តារាចម្រៀងនិយមចូលចិត្តលេងស្ទិលសក់ប្លែកពីគេរបស់ផលិតកម្ម សាន់ដេលោក អាន គុណកូឡា និយាយថា៖ "៥បទត្រៀមចេញមួយសប្ដាហ៍ខាងមុខទៀត ខ្ញុំថា អាចនឹងបំបែកភាពស្ងប់ស្ងាត់របស់ខ្ញុំបានមួយរយៈចុងក្រោយនេះ"។
ចម្រៀងទាំង ៥ បទ ត្រូវពន្យារពេលចេញមួយរយៈនេះ លោកមិនទាន់បង្ហើបឱ្យដឹងពីចំណងជើងនៅឡើយទេ។ ក៏ប៉ុន្តែតារាចម្រៀងល្បីឈ្មោះខាងលើ បានរំពឹងយ៉ាងមុតមាំថា នឹងអាចទទួលការគាំទ្រច្រើនពីទស្សនិកជនពេលចេញលក់លើទីផ្សារ។
លោក អាន គុណកូឡា បន្តថា មូលហេតុនាំឱ្យផលិតកម្ម សាន់ដេ ពន្យារការចេញបទចម្រៀងរបស់ខ្លួនលើទីផ្សារ ដោយសារតែខាងផលិតកម្មមមាញឹកខ្លាំងពេកជាមួយនឹងការចេញអាល់ប៊ុមចម្រៀងទាក់ទងនឹងពិធីបុណ្យភ្ជុំបិណ្ឌ ក៏ដូចជាបុណ្យអុំទូកជាដើម។
ក្រោយពីបទចម្រៀងមនោសញ្ចេតនា ទាំង៥បទខាងលើចេញលក់លើទីផ្សាររួចរាល់ហើយ តារាចម្រៀងរូបនេះអះអាងថាលោកនឹងត្រៀមស្ទិលថ្មីមួយទៀតសម្រាប់ទស្សនិកជន ធានាថានឹងទាក់ទាញការចាប់អារម្មណ៍។
“ខ្ញុំគិត ក៏ដូចជាត្រៀមរួចហើយថានឹងបង្ហាញស្ទិលថ្មីមួយតាមរយៈចម្រៀងញាក់កន្ត្រាក់អារម្មណ៍ ធានាថាបងប្អូននឹងចាប់អារម្មណ៍"។ អាន គុណកូឡា បន្ថែម។
លោក អាន គុណកូឡា ជាតារាចម្រៀងប្រុសលេចធ្លោម្នាក់អំឡុងច្រៀងឱ្យផលិតកម្ម M។ ក្រោយចាកចេញពី M លោកបន្តបោះជំហានទៅកាន់ផលិតកម្ម Bigman បន្តទៀត។ មិនយូរប៉ុន្មានក៏លោកឈានជើងមកដល់សាន់ដេរហូតដល់បច្ចុប្បន្ន៕
អានអត្ថបទបន្ត៖ឃើញតែខ្លួនចឹង តិចច្រឡំថា ប្រុសទៅ តាមពិតស្រីៗតើ
អានអត្ថបទបន្ត៖១២សន្លឹកបង្ហាញកំពូលស្រីស្អាតភេទទី៣ថៃ តាំងពីនៅជាក្មេងប្រុសរហូតដល់បច្ចុប្បន្ន
អានអត្ថបទបន្ត៖ទស្សនាបទចម្រៀងអំពីជំងឺអេបូឡា ដោយតារាល្បី៣០នាក់ រួម
អត្ថបទ៖ អ៊ីង សុឡា