ឃើញតែងខ្លួនចឹង តិចច្រឡំថា ប្រុសទៅ តាមពិតស្រីៗតើ ហើយតារាទៀត!
- 2014-11-19 16:44:20
- ចំនួនមតិ 0 | ចំនួនចែករំលែក 0
ឃើញតែងខ្លួនចឹង តិចច្រឡំថា ប្រុសទៅ តាមពិតស្រីៗតើ ហើយតារាទៀត!
ចន្លោះមិនឃើញ
ស្រីៗទាំង ៥ នាក់ តែងខ្លួនជាប្រុសមួយក្រុមនេះ គឺជា ក្រុមតារាចម្រៀងថ្មីមួយដែលមានឈ្មោះថា Pikacy។ ក្រុម Pikacy ដើមឡើយមានសមាជិកទាំងអស់ ៦ នាក់ ប៉ុន្តែ ក្រោយសមាជិកម្នាក់បានចាកចេញ បច្ចុប្បន្ននៅសល់តែ ៥ នាក់ប៉ុណ្ណោះ។
ក្រុមមួយនេះ ទើបតែបង្កើតមិនទាន់បានកន្លះឆ្នាំទេ ប៉ុន្តែ ចាប់ផ្ដើមមានទីផ្សារបណ្ដើរហើយ ដោយមានឱកាសបានឡើងច្រៀងតាមបណ្ដាស្ថានីយទូរទស្សន៍ និង ច្រៀងនៅកម្មវិធីផ្សេងៗជាច្រើនទៀត។
Alvin ដែលជាប្រធានក្រុម Pikacy បានឲ្យដឹងថា ការបង្កើតក្រុមចម្រៀងនេះឡើង ក៏ព្រោះតែស្រលាញ់សិល្បៈ និង ការសម្លឹងឃើញទីផ្សារទៅថ្ងៃអនាគត ពួកគេទាំង ៦ នាក់នេះ បានបបួលគ្នាបង្កើតជាក្រុមចម្រៀង។ សមាជិកទាំងអស់៦នាក់ Alvin Kola, Korn, Faii, Kin និង Yaii ដែលពួកគេសុទ្ធតែជាសិស្ស-និស្សិត មានជំនាញផ្សេងគ្នា។ ប៉ុន្តែសមាជិកម្នាក់ គឺKola ដោយមានការងារផ្ទាល់ខ្លួនមិនអាចខានបាន ក៏បានដកខ្លួនចេញ។
ប្រធានក្រុមបានប្រាប់ថា បច្ចុប្បន្នក្រុមរបស់ខ្លួនបានផលិតបទចម្រៀងជិត ១០ បទមកហើយ ដោយបទចម្រៀងដែលក្រុមរបស់ខ្លួនមាននេះ មួយចំនួនផលិតដោយខ្លួនឯង ទាំងសាច់ភ្លេង និង ទំនុកច្រៀង ក្នុងនោះមានបទ Your Scent ,Sign Love និង ,Still Wait ចំណែក បទ Cola , ហេតុអ្វីអ្នកស្អាតយ៉ាងនេះ ជាដើម។
ចាប់តាំងពីបង្កើតមកក្រុម Pikacy ធ្លាប់បានឡើងច្រៀងនៅតាមនៅតាមស្ថានីយទូរទស្សន៍ជាច្រើនមកហើយដូចជា បាយ័ន MYTV អាស៊ីអាគ្នេយ៍ ស្ថានីយទូរទស្សន៍ ហង្សមាស ជាដើម ។
ឆ្លងកាត់តាមរយៈការឡើងច្រៀងកន្លងមកប្រធានក្រុមរូបនេះបានប្រាប់ថា មានទស្សនិកជនគាំទ្រច្រើនគួរសម ដែលជាហេតុធ្វើឲ្យសមាជិកទាំងអស់នៅក្នុងក្រុមខ្លួនមានកម្លាំងចិត្តជាខ្លាំង ដោយនៅក្នុងនោះទស្សនិកជនមួយចំនួនធំ បានសរសើរ និង លើកទឹកចិត្ត ឲ្យក្រុមរបស់ខ្លួនខិតខំបន្ថែមទៀត។
Alvin បានប្ដេជ្ញាចិត្តថា នឹងដឹកនាំក្រុម Pikacy របស់ខ្លួនឲ្យកាន់តែរីកចម្រើនជាងនេះទៅទៀត ដើម្បីជម្នះរាល់ការរើសអើងនានា ជាមួយគ្នានោះប្រធានក្រុមមួយនេះ ក៏បានស្នើឲ្យទស្សនិកជនមេត្តាបន្តការគាំទ្របន្ថែមផង៕
អានអត្ថបទ៖ ក្រុមចម្រៀង K-Pop បុរសល្បីទាំង ១០ ក្នុងឆ្នាំ ២០១៤ អានអត្ថបទ៖ ច្រៀងតែបទ ព្រាប សុវត្ថិ-សិរីមន្ត មែនប៉ុន្តែ ប៊ុត សីហា មានតារាក្នុងដួងចិត្តផ្សេងស្មោះ!
អត្ថបទ៖ ខុត សីហា