ក្រុមចម្រៀង K-Pop បុរសល្បីទាំង ១០ ក្នុងឆ្នាំ ២០១៤
- 2014-11-19 13:00:06
- ចំនួនមតិ 0 | ចំនួនចែករំលែក 0
ក្រុមចម្រៀង K-Pop បុរសល្បីទាំង ១០ ក្នុងឆ្នាំ ២០១៤
ចន្លោះមិនឃើញ
ក្នុងឆ្នាំ ២០១៤ នេះចំនួនក្រុមចម្រៀងរបស់កូរ៉េខាងត្បូង K-Pop កំពុងកើនឡើងឥតឈប់ឈរ ហើយក្រុមថ្មីនីមួយៗ អាចស្វែងរកប្រជាប្រិយភាព និងអ្នកគាំទ្ររបស់ខ្លួនកាន់តែខ្លាំង តាមរយៈក្បាច់រាំ ក៏ដូចជារូបសម្បត្តិសមាជិកម្នាក់ៗ។ ទាំងក្រុមចម្រៀង K-Pop បុរស និងនារី ទទួលបានការគាំទ្រពីទស្សនិកជនមិនចាញ់គ្នាប៉ុន្មានទេ។ សូម្បីតែហ្វីលីពីន សាំងហ្គាពួរ និង ប្រទេសផ្សេងទៀត ក៏ចូលចិត្តស្ដាប់ចម្រៀងរបស់ពួកគេដែរ។
ជាក់ស្ដែងក្រុមចម្រៀង K-Pop បុរសទាំង១០ខាងក្រោមនេះ អាចរក្សាដំណែងចំណាត់ថ្នាក់កំពូលទាំង ១០ ដោយសារចំនួននៃអ្នកគាំទ្រ៖
១. EXO
នេះជាក្រុមចម្រៀងបង្កើតឡើងកាលពីឆ្នាំ ២០១២ ដោយការបញ្ចូលគ្នារវាង ចិន និងកូរ៉េខាងត្បូង ហើយមានសមាជិកទាំងអស់ ១២ នាក់។
២. INFINITE
Infinite ជាក្រុមចម្រៀង K-Pop មានប្រជាប្រិយភាពខ្លាំងនៅកូរ៉េខាងត្បូង ហើយមានសមាជិក ៧ នាក់។ Album ចម្រៀងដែលទទួលបានការគាំទ្រខ្លាំងគឺ "Come Back Again” ដែលចេញលក់តាំងពីឆ្នាំ ២០១០។
៣. ក្រុម Big Bang
ពេលនិយាយពីក្រុមចម្រៀងនេះភ្លាម អ្នកទាំងអស់គ្នាអាចនឹកឃើញលោក Taeyang ភ្លែត។ Big Bag បង្កើតឡើងកាលពីឆ្នាំ ២០០៦ ដែលមានសមាជិកតារាចម្រៀងទាំងអស់ ៥ នាក់ និងគ្រប់គ្រងដោយផលិតកម្មក្នុងស្រុកមួយ YG Entertainment។
៤. ក្រុម CNBLUE
ក្រុមចម្រៀងនេះ ត្រូវបានគេបង្កើតឡើងនៅឆ្នាំ ២០០៩ ដោយមានសមាជិក បួននាក់គឺ Lee-Hyun, Lee Jung Shun, Kong Min Yuk, និង Jong Wong Haw។ ពួកគេទាំង ៤ នាក់មិនត្រឹមតែចេះច្រៀង និងរាំប៉ុណ្ណោះទេ ថែមទាំងអាចលេងឧបករណ៍ភ្លេងដោយខ្លួនឯងទៀតផង។
៥. MBLAQ
MBLAQ ជំនួសពាក្យពេញថា Music Boys Live in Absolute Quality ហើយក្រុមនេះត្រូវបានបង្កើតឡើងនៅឆ្នាំ ២០០៩ ដោយតារាភាពយន្តកូរ៉េដ៏ល្បី Rain។ សមាជិកក្រុមមានគ្នាបួននាក់គឺ Seungho, Lee Joon, Cheondung និង G.O។
៦. SUPER JUNIOR
ក្រុមចម្រៀងនេះ បានបង្ហាញខ្លួនចាប់តាំងពីឆ្នាំ ២០០៥ និងមានសមាជិកសរុបមកដល់សព្វថ្ងៃនេះ ១៣ នាក់។
៧. SHINEE
ក្រុមចម្រៀងនេះបង្កើតឡើងនៅឆ្នាំ ២០០៨ និងគ្រប់គ្រងដោយ SM Entertainment។ Shinee មានសមាជិកក្រុមទាំងអស់ ៥នាក់គឺ Min Ho, New, Key, JongHyun និង Taemin។
៨. 2PM
ក្រុមចម្រៀងនេះ អាចហៅម្យ៉ាងទៀតថា “Beastly Idols” និងល្បីល្បាញតាមរយៈបទចម្រៀង "One Day”។
៩. TVXO (DBSK)
TVXO ជាក្រុមចម្រៀង K-Pop បង្កើតឡើងយូរដែរហើយ (តាំងពីឆ្នាំ ២០០៣) ដោយមានសមាជិកក្រុមទាំងអស់ ៥នាក់ ប៉ុន្តែបច្ចុប្បន្ននេះសល់ត្រឹមតែពីរនាក់ប៉ុណ្ណោះ។
១០. ក្រុម BEAST
ក្រុមចម្រៀងនេះ អាចហៅថា B2ST ក៏បាន ហើយមានសមាជិកទាំងអស់ ៦ នាក់។ BEAST បង្កើតឡើងកាលពីឆ្នាំ ២០០៩ និងមកដល់ ២០១១ ក្រុមនេះបានបង្កើតអាល់ប៊ុមចម្រៀងមួយគឺ "Fiction and Fact”៕
អាន៖ តារាកូរ៉េ ១០រូបធ្លាប់ថតសិចស៊ីដល់កំពូលក្នុងទស្សនាវដ្ដី MAXIM
អាន៖ បវរកញ្ញាពិភពលោកម្នាក់ បាត់ខ្លួន ប៉ុន្មានថ្ងៃមុនការប្រឡង
ប្រែសម្រួល៖ សែម សុធារិទ្ធ ប្រភព៖ top10thebest