រូបភាពស្អាតៗនៃព្រះច័ន្ទ ដែលគេឱ្យឈ្មោះថា Super Flower Blood Moon ត្រូវបានចែកចាយពេញបណ្តាញសង្គម ដោយតារាវិទូនិងអ្នកថតរូបជំនាញជុំវិញពិភពលោក។ ព្រះច័ន្ទពេញបូរមី បានបង្ហាញសម្រស់នៅតាមបណ្តាលប្រទេសមួយចំនួននៅលើពិភពលោករីកាលពីរាត្រីថ្ងៃពុធ ទី២៦ ខែឧសភា ឆ្នាំ២០២១៕

ព្រះច័ន្ទពេញបូរមីនៅក្នុងខែឧសភានេះ ត្រូវបានគេអោយឈ្មោះថាជា បុប្ផាច័ន្ទ (Flower Moon)។ នេះជាពេលវេលាដ៏ពិសេសមួយដែល ព្រះច័ន្ទនៅជិតផែនដីបំផុត ធ្វើអោយគេមើលទៅ ព្រះច័ន្ទធំជាងពេលធម្មតា ១៤% និង ភ្លឺជាងពេលធម្មតារហូតដល់ ៣០% ឯណោះ។ ដោយជួនគ្នានឹងមានចន្ទគ្រាសទៀតនោះ ធ្វើឱ្យមួយភាគនៃផែនដី មើលឃើញព្រះច័ន្ទឡើងពណ៌ក្រហមឆ្អិនឆ្អៅថែមមួយកម្រិតទៀត៕

ប្រភព៖ Dailymail   ប្រែសម្រួល ៖ សង្ហា