Poirier គំរាមបំបាក់ជើង McGregor ម្ខាងទៀត ព្រោះតែខ្ពើមសម្ដីខ្លាំងពេក

2021-07-13 03:53:17
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករគុនចម្រុះ Dustin Poirier បានគំរាមបំបាក់ជើង Conor McGregor ម្ខាងទៀតដោយសារតែមិនពេញចិត្តសម្ដីគំរាមសម្លាប់និងលេងខូច អំឡុងអំឡុងពេលប្រកួតកម្មវិធី UFRC 264។

ជំនួបរវាងជើងខ្លាំងទាំងពីរ McGregor ត្រុវបានអាជ្ញាកណ្ដាលបញ្ឈប់នៅបញ្ចប់ទឹកទីមួយ ដោយសារតែគេបានបាក់.កជើង។ សម្រាប់ការប្រកួតមួយទឹកកន្លងទៅ Poirier បាននាំមុខពិន្ទុ McGregor រួចទៅហើយ មុនពេលការប្រកួតត្រូវបានបញ្ចប់។

ក្រោយប្រកួតចប់ Poirier បាននិយាយថា McGregor លេងខូចណាស់បានយកម្រាមដៃបីចាប់ទាយហ្គង់របស់គេ និងតែងតែព្យាយាមដេកទាត់ឡើងលើជានិច្ច។ សកម្មភាពនេះរំលងមិនទាន់បានប៉ុន្មាននាទីផង ស្រាប់តែ McGregor ភ្លាត់ជំហានធ្វើឲ្យបាក់.កជើងតែម្ដង។

គេនៅចាំបានថា អំឡុងពេលថ្លឹងទម្ងន់មុនប្រកួតនិងប្រកួតហើយ McGregor បានគំរាមនឹងឲ្យ Poirier ស្លាប់នៅក្នុងទ្រុងប្រកួត។ ក្នុងកិច្ចសម្ភាសន៍ពេលចប់ការប្រកួត Poirier ថា ខ្ពើមសម្ដីនេះណាស់ ថែមទាំងចង់បំបាក់ជើង McGregor ម្ខាងទៀតកុំឲ្យព្រហើនពេក៕

ប្រភព៖ Dailymail ប្រែសម្រួល៖ ហេង សុធារិទ្ធិ