គ្រូវិសាខា៖ លេងបាល់ឬក៏លេងចោលដុំដែក គួរតែចោលទម្លាប់អាក្រក់នេះទៅ
- 2021-07-30 07:26:30
- ចំនួនមតិ 0 | ចំនួនចែករំលែក 0
គ្រូវិសាខា៖ លេងបាល់ឬក៏លេងចោលដុំដែក គួរតែចោលទម្លាប់អាក្រក់នេះទៅ
ចន្លោះមិនឃើញ
«លេងបាល់ឬក៏លេងចោលដុំដែកគួរតែចោលទំលាប់នេះទៅវាអាក្រក់មេីលណាស់...បោកបាល់លេងចឹងវាមិនល្អមេីលទេ»នេះជាសម្ដីរបស់លោក សាន សុក្រិត គ្រូបង្វឹកបាល់ទះក្លឹបវិសាខា និងអតីតគ្រូបង្វឹកជម្រើសជាតិលើក្ដារ។
តាមពិតទៅចំណុចនេះ Sabay ធ្លាប់លើកមកនិយាយម្ដងហើយ ដែលផលប៉ះពាល់អាចជះដល់ក្មេងៗជំនាន់ក្រោយ ងាយស្រួលក្នុងការចាប់យកធ្វើតាមបាន។ យ៉ាងណាការនិយាយរបស់លោក សាន សុក្រិត នេះគឺអមជាមួយការស៊ាវីដេអូនៃការប្រកួតរបស់ស្មាត់ប៉ែតដែលត្រូវបានមហាជនដឹងថា ជាស្មាត់ចេះជំនាញបោកប៉ុន្តែជាប់ដៃអាក្រក់មើលខ្លាំងមែនទែន។
ក្នុងខ្លឹមសារទាំងស្រុងរបស់លោក សាន សុក្រិត បានសរសេរថា «លេងបាល់ក៏លេងចោលដុំដែក គួរតែចោលទំលាប់នេះទៅវាអាក្រក់មេីលណាស់ទាំងការប៉ះបាល់នឹងចាប់បោកបាល់លេងចឹងវាមិនល្អមេីលទេគួរតែកែទៅខ្ញុំសូមផ្តល់ជាមតិយោបល់ទេសូមអរគុណ»។
ចំណុចបោកជាប់ដៃនេះ សួន ចាន់ណារ៉ូ ប្រធានក្រុមជម្រើសជាតិបាល់ទះកម្ពុជាធ្លាប់បានលើកឡើងដែរថា កាលខ្លួនទៅលេងនៅថៃ មានកីឡាករថៃបានឃើញវីដេអូនៃការប្រកួតលេងបោក ហើយពេលនេះ សួន ចាន់ណារ៉ូ បានឆ្លើយទៅកាន់កីឡាករថៃនោះវិញថា វាជាការលេងសើចដែលគ្រាន់តែលេងដើម្បីសុខភាពប៉ុណ្ណោះ។ ប៉ុន្តែក្រោយមក ណារ៉ូ ក៏ធ្លាប់ស្នើរទៅកាន់កីឡាករមួយចំនួនផងដែរឲ្យកាត់បន្ថយឬឈប់តែម្ដងកាន់តែល្អា ពីព្រោះវាក៏អាចឲ្យប្រទេសនៅក្បែរខាងកម្ពុជាគិតបែបអវិជ្ជមានមកកាន់កម្ពុជាផងដែរ៕