នៅប្រទេសចិន មានក្រុមហ៊ុនមួយចំនួនបានប្រើអ្នកតំណាងផលិតផល ជាតុក្កតា ដើម្បីផ្សព្វផ្សាយផលិតផលរបស់ខ្លួន។ តួយ៉ាងដូចជា តុក្កតាមានឈ្មោះថា Ayayi ជាតំណាងផលិតផលមួយរូប មានរូបរាងសឹងច្រលំមនុស្សពិត ហើយសូម្បីតែស្បែករបស់នាង ក៏អាចប្រែប្រួលទៅតាមបរិយាកាសកំពុងស្ថិតនៅ ដូចទៅនឹងមនុស្សផងដែរ។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

Ayayi មានរូបថតមួយចំនួនបានបង្ហោះចូលបណ្ដាញសង្គម Instagram មានអ្នកគាំទ្រប្រមាណ ៥០០០នាក់។ នាងឈរកាន់ផលិតផលទូរសព្ទ ធ្វើកាយវិការ Cute cute បង្ហាញម៉ូដដូចទៅនឹងតារា សឹងមើលមិនដឹងថាជាតុក្កតានោះឡើយ។

បច្ចុប្បន្ន តុក្កតាស្រី Ayayi បានធ្វើការជាអ្នកផ្សព្វផ្សាយផលិតផលឱ្យក្រុមហ៊ុន Guerlain។ ក្រៅពីនេះ ក៏គេនៅឃើញមានតុក្កតាផ្សេងៗទៀត បានក្លាយជាអ្នកតំណាងផ្សព្វផ្សាយឱ្យផលិតឯទៀតដូចជា ប្រ៊ែន Chanel ឬ Prada ផងដែរ៕

ប្រភព៖ Businessinsider   ប្រែ​សម្រួល៖ កុសល