Zlatan សម្រេចបញ្ចប់អាជីពបាល់ទាត់ ក្រោយប្រឡូកក្នុងពិភពគុនអស់ក្បែរ ២៥ឆ្នាំ

2023-06-05 11:06:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធស៊ុយអែត Zlatan Ibrahimovic កាលពីថ្ងៃអាទិត្យ សម្រេចបញ្ចប់អាជីពបាល់ទាត់ក្នុងអាយុ ៤១ឆ្នាំ ក្រោយពីប្រឡូកក្នុងពិភពនេះតាំងពីឆ្នាំ១៩៩៩។

កីឡាកររូបនេះចំណាយរយៈពេលប៉ុន្មានខែចុងក្រោយក្នុងការព្យាបាលរបួស ដោយមិនសូវបានចូលលេងឱ្យក្លឹប AC Milan ញឹកញាប់នោះទេ។

បុរសឧស្សាហ៍លេងសម្ដីដាក់អ្នកកាសែតរូបនេះ បានធ្វើការអ្នកគាំទ្រ AC Milan ក៏ដូចជាក្រុមការងារ និងកីឡាករទាំងអស់ ដែលបានគាំទ្រខ្លួនកាលពីពេលកន្លងទៅ។

សូមជម្រាបផងដែរថា Zlatan ចាប់ផ្ដើមអាជីពឈុតធំនៅឆ្នាំ១៩៩៩ ជាមួយនឹងក្លឹប Malmo នៅស៊ុយអែត ក្រោយមកកីឡាកររូបនេះមកលេងនៅហុល្លង់ជាមួយ Ajax បន្តមកទៀតមកអ៊ីតាលីជាមួយ Juventus។ ក្រោយមកក៏ផ្លាស់មក Inter Milan រួចហើយ Barcelona បន្តមកក៏មក AC Milan វិញ។

លុះនៅឆ្នាំ២០១២ ខ្សែប្រយុទ្ធកម្ពស់ ១ម៉ែត្រ ៩៥ មួយនេះបានមកលេងនៅប៉ារីសជាមួយ Paris Saint-Germain ដែលជាក្លឹប Zlatan រកគ្រាប់បាល់ច្រើនជាងគេនៅក្នុងអាជីពរបស់ខ្លួន (រកបាន ១៥៦គ្រាប់ក្នុង ១៨០ប្រកួត)។

ចប់ពី PSG កីឡាកររូបនេះក៏ផ្លាស់មក Manchester United ក្រោយមកក៏ទៅនៅអាមេរិក ហើយចុងក្រោយក៏ត្រលប់មក AC Milan នៅអ៊ីតាលីវិញ៕

ប្រភព៖ Sky Sports អត្ថបទ៖ សេរី មង្គល