មិន​មាន​កីឡាករ​ល្បី​ៗ​លំដាប់​ World Class ដូច​គេ​​ប៉ុន្តែ​ពេល​​នេះ Nottingham Forest ​អាច​រំកិល​ខ្លួន​ឡើង​មក​កាន់​លេខ​២​ក្នុង​តារាង English Premier League ហើយ​​បន្ទាប់​ពី​ស្មើ​ក្រុម​ខ្លាំង Liverpool ១-១ ក្នុង​ការ​ប្រកួត​សប្ដាហ៍​ទី​២១។

Liverpool ហាក់​ភ្លឺភ្នែក​ជា​ថ្មី​ក្រោយ​មិន​អាច​​ធ្វើ​អ្វី​ទៅ​លើ​ Nottingham Forest ​បាន​បន្ទាប់​ពី​ប៉ះ​គ្នា​២​លើក​មក​នេះ​បាន​ត្រឹម​ស្មើ​១-១ និង​ចាញ់​១-០ កាល​ជើង​ទី​១​នៅ​ទឹក​ដី​របស់​ហង្ស​ក្រហម​។ ជំនួប​នៅ​​ជើ​ង​ទី​២​កាល​ពី​យប់​ថ្ងៃ​ទី​១៤​ឈាន​ចូល​ថ្ងៃ​ទី​១៥ គឺ​ក្រុម​ម្ចាស់​ផ្ទះ Nottingham Forest ជា​អ្នក​ដាក់​១​គ្រាប់​មុន​នៅ​នាទី​ទី​៨ ដោ​យ​ខ្សែ​ប្រយុទ្ធ C. Wood និង​តាម​បាន​ស្មើ​មក​វិញ​នៅ​នាទី​ទី​៦៦​ ដោយ​ Diogo Jota ។

ក្នុង​តារាង​ Liverpool សល់​មួយ​ប្រកួត​ក្នុង​ដៃ​និង​ស្ថិត​នៅលេខ​១ដដែល​ពោល​គឺ​មាន​៤៧​​ពិន្ទុ​ ស្រប​ពេល​លេខ​គឺ​មាន​៤១​ពិន្ទុ​គឺ​ Nottingham Forest ​នេះ​ឯង​ស្រប​ពេល​ Arsenal ស្ថិត​នៅ​លេខ​៣​មាន​៤០​ពិន្ទុ​ និង​សល់​មួយ​ប្រកួត​ក្នុង​ដៃ​​ត្រូវ​លេង​ជាមួយ Spurs យប់នេះ​​វេលា​ម៉ោង​៣​យប់​រំលង​អាធ្រាត្រ​៕