Real Madrid បាន​ទម្លាក់​​ក្រុម At Madrid ក្នុង​​វគ្គ​ទាត់​បាល់​​កាត់​សេចក្ដី​ ប៉េណាល់ទី ១១ ​ម៉ែត្រ ដោយ​លទ្ធផល ៤-២ បន្ទាប់​ពី​​ស្មើ​គ្នា ១-១ សរុប​​ទាំង​ពីរ​ជើង សម្រាប់​ការ​ប្រកួត UEFA Champions League វគ្គ​១៨​ក្រុម​កាល​ពី​ថ្ងៃ​ទី​១២ ឈាន​ចូល​ថ្ងៃ​ទី​១៣ ខែ​មីនា ឆ្នាំ​២០២៥ នៅ​ទឹក​ដី​របស់ At Madrid ។

​ក្នុង​ការ​ប្រកួត​នោះ​គេ​ឃើញថា Rodrygo ខ្សែ​ប្រយុទ្ធ​វ័យ​ក្មេង​របស់ Real Madrid បាន​សម្ដែង​កាយ​វិការ​ឌឺ​​​​ ដោយ​បង្ហាញ​​កំណត់​ចំណាំ​នៅ​លើ​អាវ​របស់​គេ​ ដែល​បញ្ជាក់​ថា​ ក្រុម​របស់​គេ​ជា​ម្ចាស់​ជើង​ឯក UCL ១៥​សម័យ​កាល​។ ​​ក្នុង​ការ​បង្ហាញ​នោះ​គេ​ក៏​បាន​និយាយ​ទាក់​ទង​ នឹង​រូប​មាន​លេខ​១៥​នោះ​ដែរ​ថា «ឈ្នះ UCL ១៥ សម័យ​កាល​» ។

​យ៉ាង​ណា​ក្រោយ​ពេល​ឈ្នះ​ការ​ប្រកួត​ដោយ​បាល់​កាត់​​សេចក្ដី​នោះ​ Real Madrid នឹង​ត្រូវ​ឡើង​ទៅ​ប៉ះ​ក្រុម​ខ្លាំង​របស់ អង់គ្លេស​បច្ចុប្បន្ន​ Arsenal នៅ​វគ្គ​៨​ក្រុម​ចុង​ក្រោយ​៕