iPhone 6s/6s Plus របកថ្នាំ ព្រោះអ៊ុតស្កុត?

2016-06-09 16:33:17
ចំនួនមតិ 0 | ចំនួនចែករំលែក 0

ចន្លោះមិនឃើញ

មានអ្នកប្រើប្រាស់ iPhone 6s/6s Plus មួយចំនួនបានត្អូញត្អែររឿងទូរសព្ទរបកថ្នាំ ក្រោយបកស្កុតដែលបានអ៊ុតស្រោបពីលើទូរសព្ទ។

ទាក់ទិនបញ្ហានេះ លោក តុលា អ្នកជំនាញជួសជុលទូរសព្ទ បញ្ជាក់ថា ការរបកថ្នាំ iPhone 6s/6s Plus ដោយសារអ៊ុតស្កុតនេះ អាចបណ្ដាលមកពីអ្នកអ៊ុតគ្មានបច្ចេកទេស បិទស្កុត ឬអាចមកពីប្រើឡាមឆ្កៀលស្កុតរហូតប៉ះសាច់ថ្នាំទូរសព្ទ។ ដូច្នេះនៅពេលបកស្កុតចេញ នោះថ្នាំនឹងរបើកមកតាមមិនខាន។ ការប្រើភ្លើងដែកកេះដុតរោលខ្លាំង ក៏អាចជាបញ្ហាធ្វើឲ្យថ្នាំ 6s/6s Plus របកបានដែរ។

ការអ៊ុតស្កុតពិតជាអាចរក្សាពណ៌ទូរសព្ទនៅតែថ្មី តែបើអ្នកអ៊ុតគ្មានជំនាញ អាចធ្វើឲ្យទូរសព្ទមានបញ្ហា បើប្រើឡាមឆ្កូតជ្រុលដៃខ្លាំងពេក។

អ្នកជំនាញរូបនេះបន្ថែមថា ម្ចាស់ iPhone 6s/6s Plus គួរទិញស្រោមទូរសព្ទជ័រទន់មកប្រើជំនួស បើចង់ការពារទូរសព្ទមិនឲ្យឆ្កូតឬរបកថ្នាំពេលធ្លាក់ តែលោកមិនគាំទ្រចំពោះការបិទស្កុតនោះឡើយ៕

អត្ថបទ៖ ប៉ែត ផាន់និត