ហ្គេម Jailbreak សាកល្បងសោះ ល្អលេងប៉ុណ្ណឹង ចុះទម្រាំផ្លូវការស្អែកមិនដឹងឡូយប៉ុណ្ណា

2017-01-30 04:32:12
ចំនួនមតិ 0 | ចំនួនចែករំលែក 0

ចន្លោះមិនឃើញ

Jailbreak the game ហ្គេមបែបវាយតប់បង្កើតឡើងដោយក្រុម DirexPlay ដកស្រង់សកម្មភាពចេញពីភាពយន្តរឿង "Jailbreak ការពារឧក្រិដ្ឋជន" នឹងដាក់ឲ្យទាញយកផ្លូវការនៅថ្ងស្អែក ខណៈទម្រង់សាកល្បង (Beta) ថ្ងៃនេះ មានតែអ្នកសារព័ត៌មានប៉ុណ្ណោះ ទើបអាចបានលេងមុនគេ។

ហ្គេម Jailbreak the game ទម្រង់សាកល្បង

កញ្ញា រឿន ម៉ាលីះ ជាអ្នកឌីហ្សាញម្នាក់ក្នុងក្រុម DirexPlay ឲ្យដឹងថា ហ្គេម Jailbreak the game ផ្លូវការ នឹងដាក់ឲ្យទាញយកផ្លូវការលើ App Store និង Play Store ថ្ងៃស្អែកនេះ ស្របពេលភាពយន្ត "Jailbreak ការពារឧក្រិដ្ឋជន" ចាប់ផ្ដើមដាក់បញ្ចាំងនៅរោងកុន។

កញ្ញា រឿន ម៉ាលីះ អ្នកឌីហ្សាញក្នុងក្រុម DirexPlay

បើតាមការតេស្តលេងលើកដំបូងរបស់ក្រុមការងារ Sabay ហ្គេម Jailbreak The Game មានទាំងភាសាខ្មែរ និងអង់គ្លេស រចនារូបភាពនិងសកម្មភាពផ្សេងៗគួរឲ្យចង់លេង រីឯភ្លេង Background វិញឡូយមិនចាញ់ហ្គេមអន្តរជាតិ។ ហ្គេមនេះ អាចលេងជាលក្ខណៈផ្សងព្រេង ប្រយុទ្ធវាយតប់គ្នារហូតចុងបញ្ចប់វគ្គនីមួយ ជក់ចិត្តរហូតពេលខ្លះលេងដល់ទូរសព្ទអស់ថ្មរលត់ក៏មាន។

សម្រាប់ការលេងអនឡាញជាក្រុមលក្ខណៈ Multi-player អ្នកលេងអាចជ្រើសរើសតួចិត្តអាក្រក់ឬតួចិត្តល្អតាមការចូលចិត្តបាន ប៉ុន្តែអ្នកទាំងអស់គ្នា ត្រូវរង់ចាំដល់ល្ងាចនេះ ឬស្អែកទើបអាចលេងបាន។

ទម្រង់សាកល្បងល្អលេងប៉ុណ្ណេះហើយ ចុះទម្រាំផ្លូវការចេញស្អែកនេះ មិនដឹងឡូយប៉ុណ្ណាទេ។

ខាងក្រោមជារូបភាពនៃ ដំណើរការខ្លះៗក្នុងការលេងហ្គេម Jailbreak The Game