រឿងអាម៉ាស់ ៤ នាំរឿងឈឺក្បាលមិនស្ទើរឲ្យ Apple នៅឆ្នាំ ២០១៧

2017-12-20 23:53:36
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្របភាពជោគជ័យជុំវិញការបញ្ចេញផលិតផលជាច្រើនក្នុងឆ្នាំ ២០១៧ ក្រុមហ៊ុនយក្សអាមេរិកមួយ Apple បានរងគ្រោះដោយសាររឿងលេចធ្លាយនិងបញ្ហាលើឧបករណ៍ខ្លួនមិនតិចផងដែរ។

១.ការវាយលុកប្រព័ន្ធ macOS High Sierra:

បើនិយាយពីប្រព័ន្ធសុវត្ថិភាពពិតណាស់ដែល Apple ធ្វើបានប្រសើរជាងក្រុមហ៊ុនណាទាំងអស់ ប៉ុន្តែក្នុងឆ្នាំនេះ សម្រាប់ចេញ macOS ជំនាន់ High Sierra បានជួបរឿងស៊យធំ ២ ដងផ្ទួនគ្នា។ លើកទី ១ ត្រូវបាន Hacker វាយលុកយក Password Keychain របស់អ្នកប្រើប្រាស់ និងលើកទី ២ អាចអនុញ្ញាតឲ្យនរណាម្នាក់ចូលទៅកាន់ Administrator macOS បានដោយពុំមានកូដសម្ងាត់។

២.iPhone X ចាញ់អាកាសធាតុត្រជាក់:

ក្រោយពេល iPhone X ទៅដល់ដៃអតិថិជនបានប៉ុន្មានសប្ដាហ៍ ក៏មានការលេចលឺថាជួបបញ្ហាគាំង Touch លើអេក្រង់ នៅពេលអាកាសធាតុចុះត្រជាក់ខ្លាំង។ ប៉ុន្តែក្រោយមក Apple បានបញ្ចេញកំណែ iOS ថ្មី ជួសជុលចន្លោះប្រហោងនោះបានយ៉ាងរហ័សបំផុត។

៣.កង្វះខាត iPhone X:

តម្រូវការទីផ្សារខ្ពស់នៃ iPhone X អាចជារឿងល្អសម្រាប់ Apple ប៉ុន្តែទំនងជាក្រុមហ៊ុនរបស់លោក Tim Cook ត្រៀមខ្លួនខុសគោលដៅ។ កង្វះខាតនៃទំនិញនៅលើទីផ្សារជាច្រើន ត្រូវបានកកស្ទះ ជាកត្តាធ្វើឲ្យអតិថិជនមួយផ្នែកធំមានការមិនពេញចិត្ត និងបន្តជួបបញ្ហាផ្សេងជាច្រើនទៀត។

៤.មុខងារ Face ID ត្រូវបានបំបែកដោយកូនភ្លោះ:

ថ្វីបើមុខងារ Face ID ជាប្រព័ន្ធសុវត្ថិភាពថ្មីជំនួស Touch ID ក៏ពិតមែន ប៉ុន្តែមិនអាចដំណេីរការបានពេញលេញទាំងស្រុងនោះទេ ក្រោយពេលបុរសជាកូនភ្លោះពីររូបបានសាកល្បង។ មួយទៀតអ្នកស្រាវជ្រាវសញ្ជាតិវៀតណាម ក៏បានបង្កើត Mask មុខក្នុងការ Bypass ប្រព័ន្ធពិសេសមួយនេះបានដោយជោគជ័យ។