ត្អូញឈឺត្រចៀក ទៅពិនិត្យមើល ស្រាប់តែគ្រូពេទ្យ ចាប់បានសត្វកន្លាតទាំងរស់ ចេញពីត្រចៀក

2017-12-21 02:18:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ បុរសនៅសៀងហៃម្នាក់ បានរកឃើញមូលហេតុ ដែលធ្វើឲ្យខ្លួនឈឺត្រចៀកមិនបាត់សោះ គឺ សត្វកន្លាតរស់មួយក្បាល។

បុរសវ័យ៣៥ឆ្នាំរូបនេះ បានដើរចូលទៅក្នុងមន្ទីរពេទ្យចិនមួយកន្លែង នៅស្រុក Fengxian ដោយត្អូញត្អែរអំពីការឈឺចាប់យ៉ាងខ្លាំង នៅក្នុងក្រដាសត្រចៀករបស់ខ្លួន។ នៅពេលគ្រូពេទ្យពិនិត្យមើល ស្រាប់តែបានរកឃើញសត្វកន្លាត ប្រវែង៣សង់ទីម៉ែត្រមួយក្បាល នៅក្នុងនោះតែម្ដង។

បន្ទាប់មក គ្រូពេទ្យបានចាក់អាកុល ចូលទៅក្នុងត្រចៀកអ្នកជំងឺខាងលើ ដើម្បីញ៉ាំងសត្វល្អិតនេះកុំឲ្យធ្វើអ្វីកើត មុនពេលចាប់វាចេញពីត្រចៀក។

គ្រូពេទ្យខាងលើបានប្រាប់ឲ្យដឹងថា អ្នកដែលធ្លាប់មានបញ្ហាត្រចៀកស្រដៀងគ្នានេះ មិនគួរណាព្យាយាមបញ្ចាំងភ្លើងចូកក្នុងបំពង់ត្រចៀក ឬ ប៉ុនប៉ងចាប់វាចេញដោយខ្លួនឯងនោះទេ ព្រោះវានឹងធ្វើឲ្យសត្វនៅក្នុងនោះ ចូលកាន់តែជ្រៅ។

ផ្ទុយទៅវិញ គ្រូពេទ្យបានផ្ដល់អនុសាសន៍ឲ្យចាក់ទឹកក្ដៅឧណ្ហៗ ចូលក្នុងត្រចៀកដើម្បីញ៉ាំងវាកុំឲ្យធ្វើអ្វីកើត រួចសឹមទៅមន្ទីរពេទ្យក្បែរផ្ទះ ដើម្បីឲ្យគ្រូពេទ្យជំនាញចាប់វាចេញ៕

ចុចអាន៖

ប្រភព៖ Shanghaiist ប្រែសម្រួល៖ សេង ឡុង