បុរសចិត្តសឿង ឈ្លោះគ្នាជាមួយប្រពន្ធ រត់ទៅរស់នៅក្នុងព្រលានយន្តហោះ ជាង១០ឆ្នាំ
- 2017-12-20 06:08:27
- ចំនួនមតិ 0 | ចំនួនចែករំលែក 0
បុរសចិត្តសឿង ឈ្លោះគ្នាជាមួយប្រពន្ធ រត់ទៅរស់នៅក្នុងព្រលានយន្តហោះ ជាង១០ឆ្នាំ
ចន្លោះមិនឃើញ
បុរសជនជាតិចិនម្នាក់ មានឈ្មោះថា Wei Jianguo អាយុ៥៣ឆ្នាំ មកពីទីក្រុងប៉េកាំង បានចាកចេញពីផ្ទះតាំងពីឆ្នាំ២០០៨ ហើយទៅរស់នៅក្នុងព្រលានយន្តហោះ បន្ទាប់ពីមានជម្លោះជាមួយប្រពន្ធ។
យោងតាមប្រភពព័ត៌មាន បានឲ្យដឹងថា លោក Wei សុខចិត្តចំណាយពេលរស់នៅក្នុងព្រលានយន្តហោះ Beijing Capital International Airport ដែលមានអ្នកដំណើររហូតដល់ទៅ ៩,៤ពាន់លាននាក់ កាលពីឆ្នាំ២០១៦។
លោក Wei ដែលជាបុរសអនាថា និងគ្មានការងារធ្វើ បាននិយាយថា នៅក្នុងព្រលានយន្តហោះគឺ កក់ក្ដៅ និងស្រួលរស់នៅណាស់។ បុរសរូបនេះអាចផឹក និងញ៉ាំតាមចិត្ត ដោយបានរៀបចំចង្ក្រានអគ្គិសនីប្រើនៅទីនោះ ដូចក្នុងផ្ទះរបស់ខ្លួនអីចឹង។
ជាមួយគ្នានេះដែរ លោក Wei បានយករបស់ប្រើប្រាស់ចាំបាច់មួយចំនួនពីផ្ទះ និងដាក់វានៅក្នុងរទេះរុញ ដើម្បីទុកប្រើប្រាស់ប្រចាំថ្ងៃទៀតផង។ ជាក់ស្ដែង បុរសចំណាស់រូបនេះ អាចត្រលប់ទៅផ្ទះវិញគ្រប់ពេលវេលា ប៉ុន្តែលោកមិនចង់ទៅនោះទេ។
«ខ្ញុំមិនអាចផឹកស្រានៅឯផ្ទះបានឡើយ»។ នេះបើតាមសម្តីលោក Wei។
គួរបញ្ជាក់ឲ្យដឹងថា លោក Wei ត្រូវបានគេបញ្ឈប់ពីការងារ ហើយទទួលបានប្រាក់ឧបត្ថម្ភពីរដ្ឋាភិបាលជារៀងរាល់ខែ ដែលមានចំនួនប្រហែល ១ ០០០យ័ន ឬ ១៥០ដុល្លារ។
យ៉ាងណាមិញ ខាងព្រលានយន្តហោះបានព្យាយាមធ្វើឲ្យ លោក Wei ចាកចេញដែរ ប៉ុន្តែបុរសរូបនេះនៅតែបន្តរស់នៅទីនោះដដែល៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
