Selena ខឹង Justin រម្លឹកទំនាក់ទំនងជាមួយសង្សារចាស់ ដល់ថ្នាក់ទៅជួបអ្នកពិគ្រោះជីវិតគូទាំង២នាក់

2017-12-22 23:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Justin Bieber និង Selena Gomez បានទៅជួបគ្នាសម្រួលជាមួយនឹងអ្នកពិគ្រោះជីវិតគូព្រោះតែឈ្លោះគ្នាពីទំនាក់ទំនងរបស់ Justin និង Hailey Baldwin កាលពីមុន។ នេះបើតាមការរាយការណ៍ពីសារព័ត៌មាន TMZ។

Justin និងអតីតសង្សារ Hailey Baldwin

បើតាមប្រភពទាក់ទងជាមួយនឹងព្រះវិហារ Hillsong បានឲ្យដឹងថា Justin បានខិតខំកែខ្លួនឲ្យបានល្អជាងមុន ហើយក៏សម្រេចចិត្តកាត់ចិត្តជាមួយ Hailey ផងដែរ។ ប្រភពនេះបានបន្ថែមទៀតថា Justin ធ្លាប់លើកយកពីបញ្ហានេះនិយាយទៅកាន់ Hailey ទៀតផង អំពីទំនាក់ទំនងដែលខ្លួនធ្លាប់មានជាមួយនាង និងការបែកបាក់យ៉ាងឈឺចាប់។

បន្ទាប់មកដោយសារតែ Justin បានសម្រេចចិត្តដើរផ្លូវជីវិតថ្មីគឺ "បើកចំហ និងស្មោះត្រង់" ម្ចាស់បទ "What Do You Mean?” រូបនេះបានប្រាប់ Selena អំពីការនិយាយគ្នាជាមួយ Hailey។ ពេលនោះ Selena បានខឹងជាខ្លាំង ហើយមិនសប្បាយចិត្តទេនៅពេលដែល Justin នៅតែបន្តនិយាយទាក់ទងទៅកាន់អតីតសង្សារ ហើយព្រមទាំងសម្រេចចិត្តសាកល្បងទៅជួបអ្នកពិគ្រោះជីវិតគូជាមួយគ្នាទៀតផង។

Justin និង Selena

ប្រភពពី TMZ ដដែលបានបញ្ជាក់ថា ពួកគេបានចាប់ផ្ដើមធ្វើដូចនេះអស់រយៈពេលជាង១អាទិត្យហើយ ដែលធ្វើឲ្យម្ដាយ Selena មិនពេញចិត្តជាខ្លាំង។

អ្នកគាំទ្រ Justin (Belieber) ជាច្រើនបានកត់សម្គាល់ថា តារារូបនេះបានបង្ហោះពាក្យពេចន៍ល្អៗជាច្រើន ហើយអាចប៉ាន់ស្មានថា លោកកំពុងតែមានអាការៈល្អប្រសើរជាមួយនឹងអ្នកពិគ្រោះ៕