ចង់ថតរូបបក្សី មើលទៅកាន់តែទាក់ទាញ មានចំណុច ៥ ត្រូវដឹង

2017-12-23 02:07:33
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបភាពភ្នែកជាបង្អួចបង្ហាញវិញ្ញាណ ជាចំនុចមួយធ្វើឲ្យមានភាពទាក់ទាញចំពោះរូបភាពមនុស្ស និងសត្វចិញ្ចឹម ជាពិសេសបក្សី ដោយមានមាឌតូច ងាយនឹងបម្លាស់ទី ដែលត្រូវការយកចិត្តទុកដាក់ និងជំនាញក្នុងការចាប់យករូបភាព។ អ្នកអាចផ្ដោតលើភ្នែក ពេលអ្នកថតរូបបក្សី ព្រោះអ្វីៗបន្ទាប់ទៀតនឹងសម្របខ្លួនតាមនោះដែរ។ អ្នកអាចពិនិត្យមើលចំនុចទាំង ៥ នេះក្នុងការសាកល្បងលើរូបបក្សីបន្ទាប់របស់អ្នក ដើម្បីបង្កើនភាពស្រស់ស្អាត។

១. ភ្នែកគួរស្ថិតក្នុងការ Focus ច្បាស់បំផុតក្នុងរូបភាព

អ្នកប្រហែលជាថតរូបបក្សីបានច្រើន ហើយធ្លាប់លុបនូវរូបភាពមើលទៅមិនស្អាត និងទាក់ទាញ ដោយសារភ្នែករបស់បក្សីបែរមិនត្រឹមត្រូវ និងមិនច្បាស់។

មិនសូវល្អ

ល្អប្រសើរ

ពេលអ្នកថតរូបបក្សី អ្នកអាចប្រើ Aperture ធំបំផុតរបស់ Lens ដោយ Focus លើភ្នែក ដែលអាចផ្តល់នូវភាពច្បាស់បំផុតដល់ភ្នែក ជាមួយនឹងផ្ទៃខាងក្រោយមានសភាពព្រាល។ ពេល Subject បម្លាស់ទីលឿន អ្នកចាំបាច់គួរប្រើ Depth of field ធំ និង Aperture f/8។ ម្យ៉ាងវិញទៀតក្នុងការបន្ត Autofocus អ្នកអាចប្រើ Shutter speed ល្បឿនលឿនកម្រិតពី 1/1000 ទៅ 1/2000 និង Focal points (ចំនុចក្នុងលំហទិដ្ឋភាព) ច្រើន ធ្វើឲ្យភ្នែកច្បាស់ល្អ។

២. ចំពុះស្ថិតនៅ ៩០ដឺក្រេ (ឆ្វេង ឬស្តាំ) នៃកាមេរ៉ា

សម្រាប់ការថតរូបមនុស្សលក្ខណៈ Portrait អ្នកប្រហែលជាមិនថតពីក្រោយនៃក្បាលមនុស្ស ឬមនុស្សងាកចេញពីកាមេរ៉ានោះទេ ហើយរូបភាពបក្សីក៏ស្រដៀងគ្នានេះដែរ ដោយបក្សីគួរសម្លឹងឆ្ពោះមកកាមេរ៉ា។

មិនសូវល្អ

ល្អប្រសើរ

ដើម្បីចាប់បានទីតាំងក្បាលបក្សីត្រឹមត្រូវ អ្នកចាំបាច់ថតដោយប្រើ Burst mode។ ជាធម្មតា បក្សីច្រើនងាកក្បាលតិចៗគ្រប់ទិសដៅ ដែលពិបាកក្នុងការថតឲ្យទាន់ត្រឹមចុចថតមួយដង។ ពេលអ្នកឃើញ Subject អ្នកផ្ដោតលើក្បាល និងចាប់ផ្តើមប្រើ Burst ដើម្បីផ្ដិតយករូបពីចលនានោះ។

៣. កាមេរ៉ាគួរស្ថិតនៅកម្ពស់ដូចគ្នាទៅនឹងភ្នែកបក្សី

ការថតរូបបក្សីនៅកម្រិតភ្នែក មានការពិបាកបន្តិចដោយសារបក្សីមានស្លាបអាចហោះហើរ ពេលខ្លះនៅពីលើ ឬនៅពីក្រោមយើង (ពេលអ្នកឈរលើទីខ្ពស់) ដែលភាគច្រើនអ្នកថតរូបតម្រង់កាមេរ៉ាឡើងលើ ឬចុះក្រោមក្នុងការចាប់យកផ្នែកណាមួយដែលមានលក្ខណៈស្រដៀងគ្នាទៅនឹងរូបភាពបច្ចុប្បន្ន។

មិនសូវល្អ

ល្អប្រសើរ

ដើម្បីបង្ហាញអ្នកមើលនូវបទពិសោធន៍ថ្មី អ្នកគួរផ្តល់ឧកាសដល់អ្នកមើល សម្លឹងមើលរូបភាពបក្សីនៅកម្រិតភ្នែករបស់វា (បក្សី)។

ការថតរូបបក្សីស្ថិតនៅកម្រិតភ្នែកវា ទាមទារភាពច្នៃប្រឌិត ភាពអត់ធ្មត់ និងសំណាងផងដែរ។ ដូច្នេះ ពេលបក្សីហោះហើរ ឬទុំលើមែកឈើ អ្នកអាចរកទីតាំងខ្ពស់មួយ សម្រាប់ថត ដូចជាថតតាមបង្អួតផ្ទះ ឬលើស្ពាន ដោយផ្ដោតសំខាន់លើមុំ។ អ្នកអាចប្រើ Telephoto lens វែងមួយ ដើម្បីអាចចាប់យករូបភាពពីចម្ងាយបានល្អ។ ចំពោះបក្សីលើដី ឬក្បែរទឹក អ្នកអាចដាក់កាមេរ៉ាទាបលើដី ឬទន្ទឹមនឹងទឹក (ប្រយ័ត្នប្រយែង) នៅកម្រិតអ្នកអាចគ្រប់គ្រងបាន។

៤. ពន្លឺគួរប៉ះនឹងភ្នែក

ប្រសិនបើពន្លឺបង្ហាញត្រឹមត្រូវប៉ះនឹងភ្នែក ជាធម្មតាចំហៀងបក្សីក៏បែរទៅកាមេរ៉ាមានភាពភ្លឺល្អផងដែរ។

មិនសូវល្អ

ល្អប្រសើរ

អ្នកអាចចេញក្រៅពេលមានពន្លឺថ្ងៃ និងឲ្យព្រះអាទិត្យនៅក្រោយអ្នក។ ពន្លឺល្អបំផុតសម្រាប់ការថតរូបបក្សីគឺទាប និងតម្រង់ចំ Subject តែម្តង ហើយក៏មានស្រមោលបង្ហាញច្រើនកំឡុងពេល ១ ឬ ២ម៉ោងក្រោយពេលថ្ងៃត្រង់ផងដែរ។ បក្សីបម្លាស់ទីទៅមកច្រើន ដូច្នេះអ្នកអាចជ្រើសរើសទីតាំងល្អមួយមានពន្លឺល្អ និងរង់ចាំថតពេលបក្សីមកដល់។

៥. ភ្នែកគួរបង្ហាញបានត្រឹមត្រូវ

មិនសូវល្អ

ល្អប្រសើរ

បក្សីមានពណ៌ភ្នែកផ្សេងៗគ្នា ដូច្នេះគួរកំណត់ Exposure ឲ្យបានត្រឹមត្រូវកំឡុងពេលថត ឬអាចបង្កើនកម្រិត Exposure លើភ្នែកលើកម្មវិធីកាត់ត ដោយកម្រិតប្រើមាន +0.3 ឬ +0.7 stops ជួយដល់រូបភាពមើលទៅស្អាត៕