ចូលឆ្នាំ២០១៨ភ្លាម ដូណាល់ ត្រាំ បង្ហោះសារវាយប្រហារ ប្រទេសប៉ាគីស្ថាន ឡើងចាស់ដៃ

2018-01-02 02:09:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីអាមេរិក លោក ដូណាល់ ត្រាំ បានចោទប្រកាន់ប្រទេសប៉ាគីស្ថាន ថាបាននិយាយកុហក និងបោកបញ្ឆោតសហរដ្ឋអាមេរិក ខណៈពេលដែលប្រទេសនេះទទួលជំនួយពីបរទេសរាប់ពាន់លានដុល្លារ។

ប្រធានាធិបតីអាមេរិក លោក ដូណាល់ ត្រាំ

នៅក្នុងសារដំបូងបង្អស់នៃឆ្នាំ២០១៨ លើបណ្ដាញសង្គម Twitter លោក ត្រាំ ក៏បានចោទប្រកាន់ប្រទេសប៉ាគីស្ថានផងដែរថាជា **ភេរវករ**។

«សហរដ្ឋអាមេរិក បានផ្ដល់ជំនួយឥតសំណងយ៉ាងល្ងីល្ងើ ចំនួនជាង ៣៣ពាន់លានដុល្លារ ដល់ ប៉ាគីស្ថាន ក្នុងរយៈពេល ១៥ឆ្នាំចុងក្រោយនេះ ខណៈពួកគេមិនបានផ្ដល់អ្វីសោះឲ្យយើង បានត្រឹមតែការកុហក និងបោកបញ្ឆោត ដោយគិតថាអ្នកដឹកនាំរបស់យើងជាមនុស្សល្ងង់»។ នេះបើតាមសាររបស់លោក ត្រាំ បានសរសេរ។

សារលើបណ្ដាញសង្គម Twitter របស់លោក ត្រាំ

មិនតែប៉ុណ្ណោះ ប្រធានាធិបតីវ័យ ៧១ឆ្នាំរូបនេះ បានបន្ថែមថា «ពួកគេផ្ដល់កន្លែងសុវត្ថិភាពដល់ភេរវករ ដែលយើងប្រមាញ់នៅអាហ្វហ្គានីស្ថាន។ គ្មានទៀតទេ!»។

យ៉ាងណាមិញ ប្រទេសប៉ាគីស្ថានបានបញ្ចេញប្រតិកម្មបែបខឹងសម្បារ ចំពោះសារនោះ ដោយនិយាយថា ថវិកាទាំងអស់ត្រូវគិតសម្រាប់ ការបរាជ័យរបស់សហរដ្ឋអាមេរិកនៅអាហ្វហ្គានីស្ថាន ហើយលោក ត្រាំ មិនសប្បាយចិត្តទេចំពោះរឿងនេះ៕