កុំឲ្យធុញរឿងស្ទះ! ដឹងឲ្យច្បាស់ចំណតកាណូត ព្រែកព្នៅ-ភ្នំពេញ-តាខ្មៅ ទាំង១៥កន្លែង
- 2018-01-02 02:12:29
- ចំនួនមតិ 0 | ចំនួនចែករំលែក 0
កុំឲ្យធុញរឿងស្ទះ! ដឹងឲ្យច្បាស់ចំណតកាណូត ព្រែកព្នៅ-ភ្នំពេញ-តាខ្មៅ ទាំង១៥កន្លែង
ចន្លោះមិនឃើញ
ក្នុងដំណោះស្រាយលើបញ្ហាកកស្ទះចរាចរណ៍រាជរដ្ឋាភិបាល កំពុងរៀបចំកំពង់ផែ ចំណតកាណូតដឹកអ្នកដំណើរ ១៥ទីតាំង (ព្រែកព្នៅ-ភ្នំពេញ-តាខ្មៅ)។ បើតាមក្រសួងសាធារណការ និងដឹកជញ្ជូនកំពង់ផែទាំង១៥ទីតាំងនោះ មានដូចជា៖
ចំពោះរាជធានីភ្នំពេញ៖
ទី១៖ គល់ស្ពានព្រែកព្នៅត្រើយខាងកើត (កំពុងពិចារណា)
ទី២៖ គីឡូម៉ែត្រលេខ៦
ទី៣៖ ខាងមុខឃ្លាំងសាំងឬស្សីកែវជាប់ នឹងទីលានប្រជាធិបតេយ្យថ្មី
ទី៤៖ ផែបណ្ដែតមុខផ្សាររាត្រី
ទី៥៖ កំពង់ចម្លងកោះពេជ្រ-អារីយ៍ក្សត្រ
ទី៦៖ ភូមិដើមចាន់ឬគល់ស្ពានក្បាលថ្នល់ខាងកើត
ទី៧៖ ចំណតរថយន្តចាក់អង្រែក្រោម
ទី៨៖ បាក់ខែង ត្រង់ផ្លូវបំបែកលី យ៉ុងផាត់
ទី៩៖ ទល់មុខផ្សារព្រែកលៀប (កំពង់ចម្លងព្រែកលៀប)
ទី១០៖ ជាប់សណ្ឋាគារសុខាភ្នំពេញ
ទី១១៖ ភូមិកោះនរា
ទី១២៖ កំពង់ចម្លងក្តីតាកុយ
ទី១៣៖ កំពង់ចម្លងតាព្រហ្មមាត់ក្រសះ
ខេត្តកណ្ដាល៖
ទី១៖ មុខវត្តព្រែកសំរោងក្រុងតាខ្មៅ (កំពុងពិចារណា)
ទី២៖ កំពង់ចម្លងរោងចក្រក្តាបន្ទះផ្លូវត្រី
ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងកាលពីថ្ងៃទី២៨ ខែធ្នូ កន្លងទៅថា សេវាដឹកជញ្ជូនតាមទូក និងកាណូត នៅរាជធានីភ្នំពេញ នឹងត្រូវដាក់ឲ្យដំណើរការជាផ្លូវការនៅមុនពិធីបុណ្យចូលឆ្នាំថ្មីប្រពៃណីជាតិក្នុងឆ្នាំ២០១៨នេះ។ ឯកឧត្ដមអះអាងថា ការដឹកជញ្ជូនតាមផ្លូវទឹកនេះ នឹងជួយកាត់បន្ថយការកកស្ទះ និងគ្រោះថ្នាក់ចរាចរណ៍បានមួយចំនួន ព្រមទាំងមិនធ្វើឲ្យខូចផ្លូវថ្នល់ ហើយការចំណាយលើសេវាដឹកជញ្ជូនតាមផ្លូវទឹក ក៏មានតម្លៃថោក៕
ចុចអានអត្ថបទពាក់ព័ន្ធ៖
ដំណឹងល្អ! សេវាដឹកអ្នកដំណើរតាមផ្លូវទឹកដំបូងបំផុតនៅកម្ពុជា ជិតដំណើរការហើយ
កុំឲ្យអស់ថ្លៃសាំង! មកដឹងឲ្យច្បាស់ផ្លូវរថយន្តក្រុងសារធាណទាំង ៩ខ្សែនៅភ្នំពេញ