មកដឹងពីបណ្ដាភាពយន្តរន្ធត់ទាំង១០ពីហូលីវូដ កក្រើកឆ្នាំ២០១៨

2018-01-04 09:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំពោះអ្នកចូលចិត្តភាពយន្តបែបរន្ធត់ ក្នុងឆ្នាំ២០១៨ អ្នកនឹងមិនខកចិត្តទេ។ សាច់រឿងបែបរន្ធត់ថ្មីៗ និងសែស្រឡាយភាពយន្តល្បីៗដូចជា "The Nun” និង "The Purge” សុទ្ធតែមានវត្តមាននៅឆ្នាំនេះទាំងអស់។ ពីសាច់រឿងដែលទាក់ទងនឹងការសម្លាប់ លងបន្លាច និងរឿងអាថ៌កំបាំងជាច្រើននឹងបង្ហាញក្នុងភាពយន្តអស់ទាំងនេះ៕

នេះជាបណ្ដារឿងរន្ធត់ទាំង១០ដែលនឹងកក្រើកក្នុងឆ្នាំ ២០១៨៖

១០. “Insidious: The Last Key” បញ្ចាំងខែមករាឆ្នាំ ២០១៨

អ្នកជំនាញខាងព្រលឹងខ្មោចឫក៏គេហៅថា Parapsychologist គឺ Dr. Elise Rainier ដែលយើងស្គាល់ពីបណ្ដារឿង "Insidous” វគ្គមុនៗនោះបានត្រលប់មកវិញជាមួយនឹងរឿងរ៉ាវគួរឲ្យខ្លាចតម្រូវឲ្យនាងដោះស្រាយ នៅក្នុងផ្ទះគ្រួសារនាងផ្ទាល់តែម្ដង។

៩. “Winchester” បញ្ចាំងខែកុម្ភៈ ឆ្នាំ ២០១៨

ជាសាច់រឿងដកស្រង់ពីហេតុការណ៍ពិតនៃវិមានរបស់គ្រួសារ "Winchester” ដែលបង្កប់ទៅដោយព្រលឹងខ្មោចបិសាច និងការលងបន្លាចយ៉ាងសាហាវឃោរឃៅ។

៨. “The Strangers: Prey at Night” ខែមិនាឆ្នាំ ២០១៨

ដកស្រង់ពីហេតុការណ៍ពិត ភាពយន្តនេះនិយាយពីក្រុមគ្រួសារមួយ ដែលត្រូវមនុស្សកាចសាហាវ (Psychopaths) ចំនួន៣នាក់ តាមយាយីតាំងពីដើមរហូតដល់ចប់។

៧. “Day of the Dead: Bloodline” ខែមករាឆ្នាំ ២០១៨

និយាយអំពីក្រុមទាហានមួយក្រុម ខិតខំរកមធ្យោបាយ ក៏ដូចជាថ្នាំព្យាបាលមនុស្សទូទាំងពិភពលោក ដែលកំពុងលុកលុយដោយខ្មោច Zombie។

៦. “Halloween” ខែតុលាឆ្នាំ ២០១៨

ភាពយន្តនេះជាភាពយន្តដែលបង្កើតម្ដងទៀតពីសែស្រឡាយរឿង "Halloween” ដែលបានដាក់បញ្ចាំងតាំងពីឆ្នាំ ១៩៧៨។ តួអង្គ Laurie សម្ដែងដោយ Jamie Lee Curtis នឹងត្រូវមកតទល់ជាមួយនឹង Michael Myers ឃាតករពាក់ស្រោមមុខ ដែលនាងធ្លាប់ជួបប្រទះកាលពីបួនទសវត្សកន្លងមក។

៥. “A Quiet Place” ខែមេសាឆ្នាំ ២០១៨

ចូលរួមសម្ដែងដោយតារាប្ដីប្រពន្ធ លោក John Krasinski និង Emily Blunt ភាពយន្តនេះ និយាយពីហេតុការណ៍មួយ តម្រូវឲ្យពួកគេនៅស្ងៀមស្ងាត់ ដើម្បីគេចចេញពីគ្រោះថ្នាក់ដ៏អាថ៌កំបាំងមួយតាមធ្វើបាបពួកគេប្រសិនជាបញ្ចេញសំឡេង។

៤. “Slender Man” ខែឧសភាឆ្នាំ ២០១៨

ជារឿងនិយាយអំពីរឿងព្រេងនិទានមួយអំពីបិសាច "Slender Man” ដែលមានរូបរាងខ្ពស់និងដៃវែងៗ គ្មានមុខមាត់។ បិសាចនេះបានធ្វើឲ្យក្មេងតូចៗ និងជំទង់ជាច្រើនបាត់បង់ខ្លួនជាបន្តបន្ទាប់។

៣. “Purge: The Island” ខែកក្កដាឆ្នាំ ២០១៨

ភាពយន្តនេះនឹងលាតត្រដាងនូវហេតុការណ៍ផ្សេងៗកើតឡើង ដែលបណ្ដាលឲ្យមានការប្រារព្ធកម្មវិធី "Purge” កាលពីលើកដំបូង។

២. “The Nun” ខែកក្កដាឆ្នាំ ២០១៨

យាយ Valak ដែលល្បីខ្លាំងនៅក្នុងរឿង "The Conjuring 2” នឹងត្រូវគេលាតត្រដាងពីសាច់រឿងលំអិតនៅក្នុងភាពយន្តនេះ។

១. “Truth or Dare” ខែឧសភាឆ្នាំ ២០១៨

តារាសម្ដែងល្បីៗដូចជា Tyler Posey ពីរឿងភាគ "Teen Wolf” និង Lucy Hale ពីក្នុងរឿងភាគ "Pretty Little Liars” នឹងមកជួបគ្នាក្នុងសាច់រឿងនេះ ដែលនិយាយអំពីវិញ្ញាណដ៏កាចសាហាវមួយបង្ហាញខ្លួនក្រោយពួកគេលេងល្បែង Truth or Dare។