ស្ត្រីចំណាស់ រើសក្មេងដែលឪពុកម្តាយបោះបង់មកចិញ្ចឹម ទីបំផុតលទ្ធផលស្មានមិនដល់

2018-01-06 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីវ័យ ៤៩ ឆ្នាំរស់នៅទីក្រុង Anqing ប្រទេសចិន បានប្រទះឃើញទារកដែលត្រូវបានបោះបង់ចោលម្នាក់មកចិញ្ចឹម ដោយសារតែលោកយាយមិនមានកូននោះទេ។ ប៉ុន្តែជាអកុសលស្ត្រីរូបនេះ មានជីវភាពខ្វះខាតខ្លាំងណាស់ ដែលស្ទើរតែគ្មានអាហារសម្រាប់បរិភោគ។ លោកយាយ ក៏មិនអាចមានលទ្ធភាពទិញទឹកដោះគោសម្រាប់ទារកបានឡើយ ដោយជំរុញឱ្យលោកយាយចិញ្ចឹមទារកដោយទឹកបបរជំនួស។

លោកយាយបានបាត់បង់ស្វាមី នៅពេលដែលក្មេងស្រីនេះមានអាយុទើបតែ ៤ ឆ្នាំ ដែលធ្វើឱ្យមានការពិបាកខ្លាំងក្នុងការចិញ្ចឹមក្មេងនោះ។ យ៉ាងណាក៏ដោយ លោកយាយបានធ្វើការយ៉ាងលំបាកដោយខិតខំលក់បន្លែ និងរើសអេតចាយដើម្បីចិញ្ចឹមក្មេងស្រី និងបង់ថ្លៃសាលា។

នៅពេលធំពេញវ័យ ក្មេងស្រីនោះបានក្លាយជានារីម្នាក់ដ៏ស្រស់ស្អាត និងជោគជ័យខ្លាំង ហើយបានរៀបការ និងរស់នៅក្នុងគ្រួសារដ៏រីករាយមួយ។ ប៉ុន្តែនាងមិនដែលភ្លេចម្ដាយចិញ្ចឹមរបស់ខ្លួននោះទេ។ នាងបានសង់ផ្ទះកម្ពស់ពីរជាន់ឲ្យម្ដាយចិញ្ចឹម និងបានទៅសួរសុខទុក្ខជារឿយៗផងដែរ៕