ស្ត្រីម្នាក់ឆ្លងមេរោគស៊ីសាច់ដ៏សាហាវ ក្រោយទទួលទានអយស្ទ័រឆៅ

2018-01-09 06:34:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីអាយុ ៥៥ឆ្នាំម្នាក់ឈ្មោះ Jeanette Leblanc បានធ្លាក់ខ្លួនឈឺបន្ទាប់ពីបរិភោគអយស្ទ័រឆៅ ដែលមិត្តភក្តិរបស់អ្នកស្រី បានទិញមកពីផ្សារមួយក្នុងទីក្រុង Westwigo។

អ្នកស្រី Jeanette Leblanc

មិត្តភក្តិរបស់អ្នកស្រី ឈ្មោះ Keren Bower បានប្រាប់ថា ក្រោយពេលអ្នកស្រី Leblanc ធ្លាក់ខ្លួនឈឺ ពួកគេគិតថា ប្រហែលជាអ្នកស្រីមានប្រតិកម្មស្បែកជាមួយគ្រឿងសមុទ្រប៉ុណ្ណោះ។ ប៉ុន្តែរយៈពេល ៤៨ ម៉ោងក្រោយមក អាការៈរបស់អ្នកស្រី Leblanc កាន់តែធ្ងន់ធ្ងរឡើង ហើយគេបានបញ្ជូនអ្នកស្រីទៅកាន់មន្ទីរពេទ្យភ្លាមៗ។

ក្រោយពីធ្វើការពិនិត្យរួច គ្រូពេទ្យបានឲ្យដឹងថា អ្នកស្រី LeBlanc បានឆ្លងបាក់តេរីម៉្យាងឈ្មោះ Vibrio ចូលទៅក្នុងខ្លួន ដែលបានធ្វើឲ្យជើងរបស់អ្នកស្រី ត្រូវបានស៊ីដោយបាក់តេរីនោះ និងបង្កជាស្នាមរបួសធ្ងន់ធ្ងរ ហើយមិនយូរប៉ុន្មានអ្នកស្រី ក៏បានស្លាប់តែម្តង។

យោងតាមប្រភពព័ត៌មានបានឲ្យដឹងថា មនុស្សអាចឆ្លងបាក់តេរី Vibrio នេះតាមរយៈទឹក Brackish Water (ទឹកដែលមានជាតិប្រៃច្រើនជាងទឹកសាប តែមិនច្រើនដូចទឹកសមុទ្រ) ឬ ការបរិភោគអយស្ទ័រឆៅ។ រោគសញ្ញាបន្ទាប់ពីការឆ្លងនៃបាក់តេរីនេះ មានដូចជា ការរាគរូស, ក្អួតចង្អោរ, ក្តៅខ្លួន និងញាក់ជាដើម៕