ប៉ូលិសអារ៉ាប៊ីសាអូឌីត ចាប់ខ្លួនអ្នកចូលរួមមង្គលការភេទដូចគ្នាទាំងអស់ ក្រោមហេតុផលមួយ (វីដេអូ)

2018-01-10 04:05:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ូលិសអារ៉ាប៊ីសាអូឌីតនិយាយថា ពួកគេបានចាប់ខ្លួនមនុស្សទាំងអស់ដែលបានចូលរួមក្នុងពិធីមង្គលការភេទដូចគ្នាមួយនៅក្នុងទីក្រុង Mecca។

ខ្សែវីដេអូមួយដែលត្រូវបានបង្ហោះកាលពីសប្ដាហ៍មុន បានបង្ហាញពីសកម្មភាពបុរសពីរនាក់ ដើរទន្ទឹមគ្នា និងមានការលេងភ្លេងក្នុងពិធីមង្គលការភេទដូចគ្នារបស់ពួកគេ។ ក្រោយមកក៏ត្រូវបានបុរសម្នាក់ដែលចូលរួមពិធីនោះដែរ បានរាយការណ៍មកកាន់ប៉ូលិសអំពីព្រឹត្តិការណ៍ដែលបានកើតឡើង។

ភ្នាក់ងារប៉ូលិសទីក្រុង Mecca បានៅក្នុងសេចក្តីថ្លែងការណ៍មួយ ដែលបានបង្ហោះនៅលើ Twitter បានពន្យល់ថា "បុរសម្នាក់នេះ បាននិយាយថា មនុស្សគ្រប់គ្នាដែលចូលរួមពិធីនេះមានការភ្ញាក់ផ្អើលយ៉ាងខ្លាំង នៅពេលដែលបុរសវ័យក្មេងពីរ បីនាក់បានចូលមកក្នុងកន្លែងនោះ ហើយបានព្យាយាមធ្វើពិធី "អាពាហ៍ពិពាហ៍ស្រលាញ់ភេទដូចគ្នា"។

មកទល់នឹងពេលនេះ មនុស្សទាំងអស់ដែលជាប់ពាក់ព័ន្ធនឹងពិធីនេះ ត្រូវបានកំណត់អត្តសញ្ញាណ និងចាប់ខ្លួន ហើយសំណុំរឿងរបស់ពួកគេត្រូវបានបញ្ជូនទៅព្រះរាជអាជ្ញា។

គួរឲ្យដឹងថា នៅប្រទេស អារ៉ាប៊ីសាអ៊ូឌីត ការស្រឡាញ់ភេទដូចគ្នា គឺជាអំពើខុសច្បាប់ និងអាចប្រឈមមុខនឹងការជាប់ទោសធ្ងន់ធ្ងរ ឬការដាក់ទណ្ឌកម្មដោយការវាយរហូតដល់ស្លាប់ផងដែរ៕