មេដឹកនាំយោធាអាមេរិក គំរាមសម្លាប់សកម្មជន ISIS ដោយប្រើប៉ែល បើមិនព្រមចុះចាញ់
- 2018-01-11 02:05:24
- ចំនួនមតិ 0 | ចំនួនចែករំលែក 0
មេដឹកនាំយោធាអាមេរិក គំរាមសម្លាប់សកម្មជន ISIS ដោយប្រើប៉ែល បើមិនព្រមចុះចាញ់
ចន្លោះមិនឃើញ
មេដឹកនាំកំពូលនៅក្នុងជួរកងទ័ពអាមេរិក បានព្រមានដល់អ្នកប្រយុទ្ធ ISIS ដែលនៅសេសសល់ទាំងអស់ថា ការចុះចាញ់ ឬប្រឈមនឹងការស្លាប់ដោយហិង្សាលើកណ្ដាប់ដៃរបស់កងកម្លាំងចម្រុះ នឹងអនុវត្តភារកិច្ចដោយប្រើប្រាស់ឧបករណ៍ដូចជា គ្រាប់បែក រហូតដល់ ប៉ែល ជាដើម។
លោក John Troxell ដែលជាទីប្រឹក្សាជាន់ខ្ពស់ បានប្រកាសពីការគំរាមកំហែងនេះកាលពីថ្ងៃអង្គារ នៅលើបណ្ដាញសង្គម Facebook និងបានធ្វើការអត្ថាធិប្បាយស្រដៀងគ្នានេះផងដែរ នៅក្នុងអំឡុងពេលដំណើរកម្សាន្តថ្ងៃឈប់សម្រាកថ្មីមួយជាមួយ អង្គការ USO (United Service Organizations)។
«ISIS ចាំបាច់ត្រូវយល់ថា កងកម្លាំងប្រដាប់អាវុធមានលទ្ធភាពបំផ្លាញពួកគេ ដូច្នេះពួកគេមានជម្រើស ២ ដែលគួរសម្រេចចិត្តថាត្រូវប្រឆាំងនឹងសហរដ្ឋអាមេរិក ឬ ធ្វើជាសម្ព័ន្ធមិត្ត និងដៃគូរបស់យើង។ ចុះចាញ់ ឬ ស្លាប់»។ នេះបើយោងតាមការបង្ហោះរបស់លោក John។
សារដដែលនោះបានសរសេរទៀតថា «ប្រសិនបើពួកគេជ្រើសរើសមិនព្រមចុះចាញ់ នោះយើងនឹងសម្លាប់ពួកគេដោយការរើសអើងបំផុត មិនថាតាមរយៈជំនួយកម្លាំងសន្តិសុខតាមរយៈការទម្លាក់គ្រាប់បែកលើពួកគេ , បាញ់ពួកគេចំផ្ទៃមុខ ឬ វាយពួកគេរហូតដល់ស្លាប់ដោយប្រើប៉ែលនោះទេ»។
សារដែលបានបង្ហោះនោះក៏បានភ្ជាប់ជាមួយ អក្សរ (Hashtag) #ISIS_SurrenderOrDie ផងដែរ។
គួររំលឹកឲ្យដឹងថា ក្រុម ISIS បានបាត់បង់ទឹកដីភាគច្រើនដែលខ្លួនធ្លាប់គ្រប់គ្រងនៅប្រទេសស៊ីរី ហើយត្រូវបានគេកម្ចាត់ចេញពីជម្រករបស់ខ្លួននៅអ៊ីរ៉ាក់ទៀតផង៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
