Bruno Mars, Kesha និង Cardi Bនឹងធ្វើឲ្យកក្រើកកម្មវិធីប្រគល់ពាន Grammy ឆ្នាំ២០១៨

2018-01-11 05:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាចម្រៀងល្បីៗ Bruno Mars, Kesha និង Cardi B ត្រូវបានប្រកាសជាផ្លូវការថានឹងសម្ដែងនៅក្នុងកម្មវិធីប្រគល់ពាន Grammy ឆ្នាំ២០១៨ ជាផ្លូវការ។

ពួកគេនឹងចូលរួមសម្ដែងជាមួយតារាល្បីៗជាច្រើនរូបទៀតដូចជា ម្ចាស់បទ "Despacito” លោក Luis Fonsi, Daddy Yankee និង SZA។ មិនត្រឹមតែប៉ុណ្ណោះ Alessia Cara, Khalid និង Logic នឹងរួមដៃគ្នាសម្ដែងបទ "1-800-273-8255” ដែលផ្ដោតសំខាន់ទៅលើការបញ្ឈប់ធ្វើអត្តឃាត ហើយបទចម្រៀងនេះក៏បានដាក់បញ្ចូលដើម្បីដណ្ដើមពាន បទចម្រៀងប្រចាំឆ្នាំ និង វីដេអូចម្រៀងល្អបំផុតផងដែរ។

ចំពោះ Bruno Mars វិញលោកក៏ទទួលបានឈ្មោះដណ្ដើមពានច្រើនផងដែរ គឺដល់ទៅ ៦ពានឯណោះ ដូចជា អាល់ប៊ុមប្រចាំឆ្នាំ, Record ប្រចាំឆ្នាំនិង បទចម្រៀងប្រចាំឆ្នាំ។ Kesha ទទួលបានឈ្មោះដណ្ដើមពាន អាល់ប៊ុមចង្វាក់ Pop ល្អជាងគេនិង ការសម្ដែងចង្វាក់ Pop ល្អជាងគេ។ ចំណែកឯ Cardi B វិញក៏ទទួលបានឈ្មោះដណ្ដើមពានលើកដំបូងដល់ទៅ២ពានផងដែរ។

កម្មវិធីនេះនឹងផ្សាយផ្ទាល់ទៅប៉ុស្តទូរទស្សន៍ CBS នៅថ្ងៃទី ២៨ម៉ោង ៤កន្លះដល់៧កន្លះយប់ ម៉ោងនៅសហរដ្ឋអាមេរិកដែលនឹងមានពិធីករទូរទស្សន៍លោក James Corden ជាអ្នកសម្របសម្រួលកម្មវិធី៕

អានអត្ថបទ៖

ប្រភព៖ Eonline ប្រែសម្រួល៖ ធារ៉ូ