លេង AFC Cup បឹងកេតប្រើពហុកីឡដ្ឋានជាតិ ខណៈលីគកំពុងចរចាទីលានខេត្ត
- 2018-01-11 07:42:18
- ចំនួនមតិ 0 | ចំនួនចែករំលែក 0
លេង AFC Cup បឹងកេតប្រើពហុកីឡដ្ឋានជាតិ ខណៈលីគកំពុងចរចាទីលានខេត្ត
ចន្លោះមិនឃើញ
ក្រុមបឹងកេតអង្គរ នឹងប្រើទីលានពហុកីឡដ្ឋានជាតិ សម្រាប់ការប្រកួត AFC Cup 2018 ស្របពេលការការប្រកួតលីគកំពូលកម្ពុជា កំពុងចរចាទីលាននៅខេត្ត ដើម្បីត្រៀមធ្វើម្ចាស់ផ្ទះលេងលីគ២០១៨។
លោក បែ មករា អ្នកចាត់ការបឹងកេត បានឲ្យដឹងថា កាលពីពេលថ្មីៗនេះសហព័ន្ធកីឡាបាល់ទាត់កម្ពុជាបានចេញសេចក្ដីសម្រេចថា ក្លឹបក្នុងលីគកំពូលកម្ពុជា មិនអនុញ្ញាតឲ្យប្រើពហុកីឡដ្ឋានជាតិដើម្បីធ្វើម្ចាស់ផ្ទះឡើយ។ ជាមួយគ្នានោះបឹងកេតត្រូវមានភារកិច្ចប្រកួត AFC Cup 2018 ស្របពេលដែលក្លឹបនេះមិនទាន់មានទីលានផ្ទាល់ខ្លួននៅឡើយ។ លោកបានបញ្ជាក់ថា ការប្រកួតពានរង្វាន់អន្តរជាតិនេះក្លឹបរបស់លោកនៅតែប្រើទីលានពហុកីឡដ្ឋានជាតិធ្វើជាម្ចាស់ផ្ទះដដែល។
ដោយឡែកសម្រាប់ការប្រកួតលីគកំពូលកម្ពុជាវិញទីលានដែលបឹងកេតកំពុងស្វែងរកគឺនៅខេត្ត ប៉ុន្តែលោកមិនទាន់បញ្ជាក់ច្បាស់ថា នៅទីតាំងណានៅឡើយ ហើយពេលវេលាក៏មិនបានប្រាប់ដូចគ្នា។ ការប្រកួត AFC Cup 2018 បឹងកេតស្ថិតនៅពូល F ដែលមានក្រុម Ceres–Negros, Shan Unitedនិង Home United ។
បើគិតមកដល់ពេលនេះក្លឹបដែលមិនទាន់មានទីលានផ្ទាល់ខ្លួនមានចំនួន ៣ គឺបឹងកេត ណាហ្គាវើល និងអគ្គស្នងការដ្ឋាននគរបាលជាតិ ស្របពេលក្លឹប ៩ ផ្សេងទៀតខ្លះមានរួចរាល់ និងខ្លះកំពុងស្ថិតក្នុងការសាងសង់៕