បុរសម្នាក់បង្ហាញទង្វើមួយធ្វើឲ្យឪពុកហូរទឹកភ្នែក អានហើយរំជួលចិត្ត

2018-01-17 06:46:45
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសវ័យក្មេងឈ្មោះ Han ដែលជាអ្នកប្រើប្រាស់បណ្ដាញសង្គម Tumblr ម្នាក់ក្នុងប្រទេសចិន បានបង្ហាញរឿងរ៉ាវមួយដែលខ្លួនបានធ្វើឲ្យឪពុកស្រក់ទឹកភ្នែក ហើយរឿងនេះធ្វើឲ្យអ្នកលេងបណ្ដាលសង្គមមួយចំនួនរំជួលចិត្តយ៉ាងខ្លាំង។

Han បានសរសេរថា "ខ្ញុំបានសួរប៉ារបស់ខ្ញុំ ថាតើខ្ញុំធ្លាប់បានធ្វើឲ្យគាត់ យំនៅពីមុខខ្ញុំឬទេ ដោយសារតែខ្ញុំមិនចាំថា ធ្លាប់បានឃើញគាត់យំនោះទេ។ គាត់ក៏បានឆ្លើយតបថា "ធ្លាប់ម្ដង”។"

“គាត់បានប្រាប់ខ្ញុំថា កាលពីខ្ញុំមានអាយុ ៣ឆ្នាំ គាត់បានដាក់ប៊ិច, លុយ និង របស់លេង នៅពីមុខខ្ញុំ ព្រោះគាត់ចង់ដឹងថា ខ្ញុំនឹងរើសយកមួយណា។ មួយសន្ទុះក្រោយមក ខ្ញុំសម្លឹងមើលរបស់ទាំងនោះ ដោយមិនហ៊ានកម្រើក។ ចំណែកឯប៉ារបស់ខ្ញុំ បានមើលមកខ្ញុំនិងរង់ចាំដោយអត់ធ្មត់បំផុត។ ប៉ារបស់ខ្ញុំបន្តថា ក្រោយមកខ្ញុំក៏បានរុញរបស់ទាំងនោះចេញ ហើយវារទៅអោបគាត់។ គាត់មិនបានដឹងថា ខ្ញុំនឹងធ្វើដូចនេះទេ ហើយនេះគឺជាលើកទីមួយហើយដែលខ្ញុំធ្វើឲ្យគាត់ស្រក់ទឹកភ្នែក។"

រឿងដ៏រំភើបនេះ ត្រូវបានទទួលការបញ្ចេញមតិច្រើនជាង ៦៧០ ០០០ ដង នៅលើគេហទំព័រប្រព័ន្ធផ្សព្វផ្សាយសង្គម និងបានបំផុសគំនិតមនុស្សរាប់សិបនាក់ផ្សេងទៀតឱ្យចែករំលែករឿងរបស់ពួកគេផងដែរ៕