លោកយាយ១០៨ឆ្នាំ នៅរឹងមាំខ្លាំង អាចលីឈើឡើងចុះភ្នំ ប្រាប់អាថ៌កំបាំងអាយុវែង

2018-01-17 08:17:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្រ្តីចំណាស់ម្នាក់មានឈ្មោះថា Xie Laoyuan បានកើតនៅក្នុងឆ្នាំ១៩០៩ ដោយបច្ចុប្បន្ននេះមានអាយុ ១០៨ឆ្នាំ។ លោកយាយមានវ័យចំណាស់បំផុត ក្នុងចំណោមមនុស្សចំនួន ៥២នាក់ផ្សេងទៀត ដែលមានអាយុលើស ១០០ឆ្នាំរស់នៅក្នុងភូមិ Longshan ទីក្រុង Guilin នៃតំបន់ Guangxi Zhuang ប្រទេសចិន។

លោកយាយ Xie Laoyuan

ទន្ទឹមនឹងនេះដែរ លោកយាយ Xie គឺជាមនុស្សដែលមានសុខភាពល្អបំផុត និងចូលចិត្តដើរដោយជើងទទេ ហើយអាចលីអុសដែលមានទម្ងន់ ៣០គីឡូក្រាម ឡើង និងចុះភ្នំតូចៗយ៉ាងងាយស្រួល ដូចដើរនៅលើដីរាបស្មើធម្មតាអីចឹង។

លោកយាយបានរក្សាទម្លាប់នេះ តាំងពីនៅវ័យក្មេងមកម្ល៉េះ។ យ៉ាងណាក៏ដោយ ស្រ្តីវ័យចំណាស់ដ៏រឹងមាំរូបនេះ បានបង្ហើបពីអាថ៌កំបាំងធ្វើឲ្យអាយុយឺនយូរថា «ចំណុចសំខាន់បំផុតនោះគឺ ត្រូវរស់នៅក្នុងជីវភាពសាមញ្ញ ហើយឧស្សាហ៍ព្យាយាម និងមានចិត្តល្អ បន្ទាប់មកទុកឲ្យធម្មជាតិជាអ្នកកំណត់វាសនា»៕