លទ្ធផលផ្លូវការ តួរឿង "Wonder Woman” ជាតារាស្រីហូលីវូដរកចំណូលឲ្យភាពយន្តច្រើនជាងគេឆ្នាំ ២០១៧

2018-01-23 09:47:01
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងសញ្ជាតិអ៊ីស្រាអែល Gal Gadot បានក្លាយជាតារាស្រីរកចំណូលឲ្យ Box Office បានច្រើនជាងគេបង្អស់ប្រចាំឆ្នាំគឺដល់ទៅ ១,៤ប៊ីលានដុល្លារ បើតាមទស្សនាវដ្ដី Forbes។ នេះបញ្ជាក់ថា នាងសម្ដែងជាតួអង្គ "Wonder Woman” ២ដងក្នុងមួយឆ្នាំមានអ្វីមិនល្អ?

តារាសម្ដែង Gal Gadot

សារព័ត៌មាន Forbes ដដែលនេះបានរាយការណ៍ដូច្នេះថា Gal មិនត្រឹមជាកំពូលតារាស្រីរកចំណូលបានច្រើនជាងគេនោះទេ នាងក៏ជាតារាស្ថិតនៅក្នុងលំដាប់លេខ ៣ ចំពោះតារាហូលីវូដទាំងពីរភេទរកចំណូលបានច្រើនជាងគេពីភាពយន្តប្រចាំឆ្នាំផងដែរ។ ចំណាត់ថ្នាក់នោះបានបង្ហាញតារាសម្ដែង Vin Diesel ទទួលបានចំណាត់ថ្នាក់លេខ១ ដោយចូលរួមសម្ដែងនៅក្នុងរឿង "XxX: The Return of Xander Cage” និង "The Fate of the Furious” ធ្វើឲ្យលោក Dwayne “The Rock” Johnson ស្ថិតនៅចំណាត់ថ្នាក់លេខ២។

ភាពយន្ត "Wonder Woman” ដំបូងឡើយគឺជាភាពយន្តរកចំណូលបានច្រើនជាងគេលេខ២ប្រចាំឆ្នាំ ប៉ុន្តែត្រូវធ្លាក់មកដល់លេខ៣ បន្ទាប់ពី "Star Wars: The Last Jedi” បានបញ្ចេញ។ រឿង "Wonder Woman” នេះក្លាយជារឿងប្រភេទ Super-Heroes របស់ DC Entertainment ដែលរកចំណូលបានច្រើនជាងគេ ព្រមទាំងចូលរួមដឹកនាំសម្ដែងដោយអ្នកដឹកនាំរឿងភេទស្រី អ្នកស្រី Patty Jenkins ផងដែរ។

ប្រាក់ចំណូលខ្លះៗ ពី "Justice League” ទើបអាចឲ្យ Gal ក្លាយខ្លួនជាតារាស្រី រកចំណូលឲ្យ Box Office ច្រើនបំផុតប្រចាំឆ្នាំ៕

អានអត្ថបទ៖

អត្ថបទ៖ ធារ៉ូ