បុរសញៀននឹងកែសម្ផស្ស បង្ហាញកំណាត់ឆ្អឹងជំនីរដែលកាត់ចោលតាមទូរទស្សន៍
- 2018-01-25 02:16:48
- ចំនួនមតិ 0 | ចំនួនចែករំលែក 0
បុរសញៀននឹងកែសម្ផស្ស បង្ហាញកំណាត់ឆ្អឹងជំនីរដែលកាត់ចោលតាមទូរទស្សន៍
ចន្លោះមិនឃើញ
តារាកម្មវិធីទូរទស្សន៍ Human Ken Doll បានធ្វើឲ្យអ្នកទស្សនាមានការភ្ញាក់ផ្អើល ដោយសារយកកំណាត់ឆ្អឹងជំនីរដែលលោកបានវះកាត់ចោលដាក់ក្នុងក្រឡមួយមកបង្ហាញក្នុងកម្មវិធីទូរទស្សន៍។
តារាដែលចូលចិត្តការវះកាត់រូបនេះ បានទៅជួបលោកវេជ្ជបណ្ឌិត Michael K Obeng ក្នុងទីក្រុង Beverly Hills ដើម្បីកាត់ឆ្អឹងជំនីរលោកចំនួន ៤កង់ចោល។ អំឡុងពេលមានវត្តមានក្នុងកម្មវិធីទូរទស្សន៍ ITV កាលពីថ្ងៃទី២៣ កន្លងទៅនេះ លោកបានបញ្ជាក់ថា តាមពិតលោកចង់កាត់ឆ្អឹងជំនីរ ៦កង់ចោល ប៉ុន្តែគ្មានគ្រូពេទ្យណាអាចធ្វើបាន។
តារាដែលឥឡូវមានទំហំចង្កេះត្រឹម តែ១៩..៦០ សង់ទីម៉ែត្រនេះ បាននិយាយថា៖ "ខ្ញុំបានទៅជួបគ្រូពេទ្យ៣នាក់ផ្សេងគ្នា។ ២នាក់នៅអឺរ៉ុប និងម្នាក់ទៀតនៅក្នុងសហរដ្ឋអាមេរិក។ ពួកគេនិយាយថាខ្ញុំអាចវះកាត់ចោលបានតែ៤កង់ទេ។ ដូច្នេះហើយខ្ញុំបានជ្រើសរើសគ្រូពេទ្យដ៏ល្អបំផុតសម្រាប់ធ្វើវា។ ខ្ញុំពិតជាសប្បាយចិត្តណាស់"។
ខណៈ Human Ken Doll កំពុងជជែកលេងជាមួយពិធីករ Holly Willoughby និងPhillip Schofield ឆ្អឹងជំនីររបស់តារាទូរទស្សន៍រូបនេះគឺស្ថិតនៅក្នុងក្រឡខាងក្រោយពួកគេ។
ចំពោះមូលហេតុដែលលោកបានសម្រេចចិត្តកាត់ឆ្អឹងជំនីរចោលនេះ លោកបានពន្យល់ប្រាប់ថាដោយសារតែលោកចង់ស្លៀកសម្លៀកបំពាក់មើលទៅមានភាពស្រស់ស្អាតជាងមុន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
