កើតមហារីកធ្ងន់ធ្ងរទាំងវ័យក្មេង សម្រេចរៀបការជាមួយខ្លួនឯង ក្រោមហេតុផលមួយ (វីដេអូ)

2018-01-25 03:53:41
ចំនួនមតិ 0 | ចំនួនចែករំលែក 0

ចន្លោះមិនឃើញ

នារីវ័យ ២១ឆ្នាំម្នាក់ឈ្មោះ Yang Chunyan ជាជនជាតិចិន ដែលបានកើតជំងឺមហារីកគ្រាប់ឈាម បានសម្រេចគោលបំណងរបស់ខ្លួន រៀបការដោយគ្មានកូនកំលោះ នៅឯមន្ទីរពេទ្យ Wulong People's ក្នុងខេត្ត Chongqing កាលពីថ្ងៃទី ២០ ខែមករានេះ។

អ្នកនាង Yang បាននិយាយថា ខ្លួនតែងតែចង់រៀបអាពាហ៍ពិពាហ៍ដ៏ធំមួយ ដោយសារតែនាងខ្លាចមិនអាចរស់បានយូរ។ អ្នកនាង Yang ប្រាប់ឲ្យដឹងថា សង្សាររបស់នាងបានចាកចេញ នៅពេលដែលគេដឹងថានាងមានជំងឺមហារីកនេះ ដែលជាហេតុធ្វើឲ្យនាងសម្រេចចិត្តរៀបការជាមួយខ្លួនឯងតែម្ដង។

ដោយសារតែមិនមានលទ្ធភាពក្នុងការរៀបចំពិធីនេះឡើង បងប្រុសរបស់នាង បានទាក់ទងទៅសុំជំនួយពី សមាគមអ្នកស្ម័គ្រចិត្តមួយ ឈ្មោះ Zhenshanmei។ ពួកគេ បានជួយតុបតែងមុខដល់អ្នកនាង Yang និងបានរៀបចំពិធីកាត់នំផងដែរ។

ក្រោយពីចប់ពិធី អ្នកនាង Yang បានយល់ព្រមជាផ្លូវការក្នុងការបរិច្ចាគសរីរាង្គរបស់នាងជាលាយលក្ខណ៍អក្សរ និងបានសម្ដែងការអរគុណចំពោះអ្នកគ្រប់គ្នា ដែលបានជួយនាងក្នុងការសម្រេចបំណងនេះ ហើយធ្វើឲ្យនាងមានសង្ឃឹម និងកម្លាំងចិត្តបន្ថែមទៀត មិនថាការព្យាបាលរបស់នាងទទួលជោគជ័យឬយ៉ាងណា អ្នកនាងមិនមានការភ័យខ្លាចនោះទេ៕