ទំនាក់ទំនងរបស់ Justin និង Selena ពេលនេះពិតជាខុសប្លែកពីមុនខ្លាំង

2018-01-28 04:29:01
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាចម្រៀង Justin Bieber និង Selena Gomez ទើបតែទាក់ទងគ្នាវិញអស់រយៈពេលប្រមាណជា២ខែ ហើយទំនាក់ទំនងរបស់ពួកគេពេលនេះពិតជាខុសពីមុនខ្លាំង។

តារាទាំងពីរមានទំនាក់ទំនងយ៉ាងច្របូកច្របល់តាំងពីឆ្នាំ ២០១៤ មកម្ល៉េះ ដែលធ្វើឲ្យពួកគេបែកគ្នា និងត្រលប់មករកគ្នាវិញជាច្រើនលើកច្រើនសារ។ ពួកគេបានចំណាយពេលជាមួយគ្នាយ៉ាងច្រើនបន្ទាប់ពី Selena បានបែកគ្នាពី The Weeknd កាលពីខែតុលាឆ្នាំមុន ដោយបង្ហាញភាពស្និទ្ធស្នាលគួរឲ្យកត់សម្គាល់ ដូចជាថើបគ្នានៅទីសាធារណៈជាដើម។

ប្រភពមួយបានប្រាប់សារព័ត៌មាន E!News ថា៖ "Justin និង Selena កំពុងតែស្រលាញ់គ្នាខ្លាំងណាស់។" អីចឹងតើមានអ្វីខ្លះផ្លាស់ប្ដូរចំពោះទំនាក់ទំនងរបស់អ្នកទាំងពីរ?

១. Justin ចាប់ផ្ដើមយកចិត្តទុកដាក់ជាមួយ Selena ច្រើនជាងមុន

ប្រភពមួយរបស់ E!News បានបញ្ជាក់ថា សម្រាប់ពេលនេះ Justin បានផ្លាស់ប្ដូរចរិតខ្លួនយ៉ាងច្រើនពេលនៅក្បែរ Selena ដោយធ្វើខ្លួនជាសុភាពបុរស និងយកចិត្តទុកដាក់ចំពោះនាងច្រើនជាងមុន។ តារាវ័យ ២៣ឆ្នាំរូបនេះក៏បង្ហាញអារម្មណ៍ស្រលាញ់ទៅកាន់ Selena ច្រើនជាងមុន នេះបញ្ជាក់ថា Justin ធំដឹងក្ដីហើយ ។

២. ទំនាក់ទំនងអ្នកទាំងពីរពិតជាជិតស្និទ្ធជាងមុន

ប្រភពដដែលនោះបានបញ្ជាក់ថា ពួកគេសុទ្ធតែរវល់រៀងខ្លួន ប៉ុន្តែនៅតែឆ្លៀតពេលដើរលេងជាមួយគ្នា ហើយប្រសិនជាអ្នកទាំងពីររវល់កិច្ចការរៀងខ្លួន ក៏ពួកគេនៅតែឆ្លៀតពេលនិយាយទូរស័ព្ទឬ និយាយ Skype ជាមួយគ្នាគ្រប់ពេលផងដែរ។

៣. Justin ចង់ឲ្យស្នេហានេះរីកចម្រើនខ្លាំងជាងមុន

Justin ត្រូវបានគេសង្កេតឃើញថា ខិតខំប្រឹងប្រែងខ្លាំងដើម្បីឲ្យទំនាក់ទំនងពួកគេកាន់តែល្អ និងចង់មានអនាគតវែងឆ្ងាយជាមួយ Selena។

៤. Selena និងម្ដាយ

ម្ដាយរបស់ Selena អ្នកស្រី Mandy Teefey មិនពេញចិត្តទេ ដែល Selena ទាក់ទងជាមួយ Justin ម្ដងទៀតប៉ុន្តែនៅពេលនេះ អ្នកស្រីសុខចិត្តមិនពាក់ព័ន្ធជាមួយនឹងជម្រើសនៃការរស់នៅរបស់កូនស្រីខ្លួន។

៥. Justin និងម្ដាយ

សម្រាប់ពេលនេះ Justin ពិតជាជិតស្និទ្ធនឹងម្ដាយខ្លួនខ្លាំង ដោយចំណាយពេលខ្លះៗជាមួយគ្នា និងបង្ហាញអ្នកគាំទ្រជាច្រើនរបស់គេឲ្យដឹងពីក្ដីស្រលាញ់ដែលខ្លួនមានចំពោះម្ដាយ។

ពេលនេះអ្នកទាំងពីរសុទ្ធតែរវល់នឹងការងារសិល្បៈរៀងៗខ្លួន ប៉ុន្តែប្រសិនជាពួកគេនៅតែយកចិត្តទុកដាក់ជាមួយគ្នារបៀបនេះក្នុងរយៈពេលយូរ ពួកគេអាចវិវឌ្ឍទំនាក់ទំនង ថែមទាំងអាចរៀបការជាមួយគ្នាផងក៏មិនដឹង៕