ទីក្រុងតូចបំផុតនៅអាមេរិក មានប្រជាជនរស់នៅម្នាក់គត់ ព្រោះតែ...

2018-01-30 02:27:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីក្រុង Monowi ដែលស្ថិតក្នុងរដ្ឋ Nebraska សហរដ្ឋអាមេរិច គឺជាទីក្រុងតូចបំផុត ដែលមានចំនួនប្រជាជនរស់នៅតែម្នាក់ប៉ុណ្ណោះ។

តាមពិតទៅ កាលពីអំឡុងឆ្នាំ ១៩៣០ ទីក្រុង Monowi មានប្រជាជនរស់នៅប្រមាណ ១៥០ នាក់ ប៉ុន្តែក្រោយមក ក៏ចាប់ផ្ដើមធ្លាក់ចុះបន្ដិចម្ដងៗ។ រហូតមកដល់ឆ្នាំ ២០០០ ជំរឿនប្រជាជនអាមេរិក បង្ហាញថាទីក្រុងនេះ មានប្រជាជនត្រឹម ២ នាក់ប៉ុណ្ណោះ គឺអ្នកស្រី Elsie Eiler និងអតីតប្ដីរបស់អ្នកស្រី។ ប៉ុន្តែ សព្វថ្ងៃនេះ អ្នកស្រីរស់នៅក្នុងទីក្រុងតែម្នាក់ឯងប៉ុណ្ណោះ ក្រោយពីប្ដីរបស់អ្នកស្រី បានស្លាប់។

អ្នកស្រី Eiler ដែលជាប្រជាជនតែម្នាក់គត់ និងជាអភិបាលក្រុងផ្ទាល់ បាននិយាយថា "ចំនួនប្រជាជននៅទីនេះ បានធ្លាក់ចុះ ដោយសារតែអ្នកគ្រប់គ្នាផ្សេងទៀត ស្លាប់ និងរើចេញ។"

ក្រៅពីមុខងារជាអភិបាលក្រុង អ្នកស្រី Eiler បានបើកបារមួយកន្លែង ដែលអ្នកស្រីផ្ដល់អាជ្ញាប័ណ្ណដល់ខ្លួនឯង និងបានបើកបណ្ណាល័យតូចមួយសម្រាប់អ្នកដំណើរតាមផ្លូវផងដែរ៕