មិនហ៊ានជិះឡាន សុខចិត្តដើរកាត់ព្រិលទៅស្រុក ទុកលុយធ្វើរឿងរំជួលចិត្តមួយសម្រាប់ប្រពន្ធ

2018-01-30 03:41:56
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ បុរសវ័យ ៦០ ឆ្នាំ ដែលជាពលករចំណាកស្រុកម្នាក់ រស់នៅទីក្រុង Henan ប្រទេសចិន បានតស៊ូដើរកាត់ព្រិលចម្ងាយជិត ៤០ គីឡូម៉ែត្រក្រោយពីស្ថានីយរថយន្តក្រុង ត្រូវបានបិទដោយសារព្យុះព្រិល។

លោក Zhao Fangzi ដែលធ្វើការក្នុងការដ្ឋានមួយកន្លែង នៅក្រុងសៀងហៃ បានត្រលប់មកស្រុកវិញ កាលពីថ្ងៃសុក្រសប្ដាហ៍មុន ដើម្បីអបអរថ្ងៃចូលឆ្នាំចិនខាងមុខ។ ប៉ុន្តែការធ្វើដំណើរ មានការលំបាកយ៉ាងខ្លាំងដោយសារតែ រថយន្តក្រុងត្រូវផ្អាកដំណើរការដោយសារព្យុះព្រិល។ ដូច្នេះ លោក Zhao មានជម្រើស ២ ដោយជិះតាក់ស៊ី ឬដើរត្រលប់ទៅផ្ទះវិញ។

ជារឿងគួរឲ្យភ្ញាក់ផ្អើល លោក Zhao បានសម្រេចចិត្តដើរពីស្ថានីយ Luoyang ទៅស្រុកកំណើត ដែលមានចម្ងាយជិត ៤០ គីឡូម៉ែត្រ ក្រោមអាកាសធាតុដ៏ត្រជាក់បំផុត ព្រោះតែការជិះតាក់ស៊ី ត្រូវចំណាយលុយរហូតដល់ ២០០ យ័ន (ប្រហែល ៣០ ដុល្លារ) ឯណោះ។

លោក Zhao បានពន្យល់ថា លោកសុខចិត្តដើរដើម្បីទុកលុយនោះ យកទៅទិញកាដូឲ្យប្រពន្ធសម្រាប់ថ្ងៃចូលឆ្នាំចិនខាងមុខ ជាជាងចំណាយទៅលើការធ្វើដំណើរ។

ពលកររូបនេះ និយាយថា "លុយមិនមែនចេះតែមកស្រួលៗនោះទេ ខ្ញុំរកលុយបាន ២០០០ យ័ន (៣១៥ ដុល្លារ) ក្នុងមួយខែ។ ប្រសិនបើខ្ញុំមិនត្បិតត្បៀត នោះខ្ញុំមិនសល់លុយទេ”៕